काठमाडौँ- निर्वाचन आयोगले स्थानीय तह निर्वाचनअन्तर्गत काठमाडौं जिल्लामा ५२ प्रतिशतमात्र मत खसेको जानकारी दिएको छ। निर्वाचन आयोगले शुक्रबार साँझ पत्रकार सम्मेलन गरेर धेरै मतदाता भएको ठाउँमा कम खसेको भन्दै असन्तुष्टि पनि व्यक्त गरेक छ। प्रमुख निर्वाचन आयुक्त दिनेश थपलियाले काठमाडौंमा ५२ प्रतिशतमात्रै खसेको प्रारम्भिक तथ्यांक प्रस्तुत गर्दै शनिबारसम्म विस्तृत तथ्यांक आउने दाबीसमेत गरे।
