रुसले अफगानिस्तानसँग जोडिएको ताजिकिस्तान सीमा क्षेत्रमा सैन्य उपकरण पठाएको छ । ताजिकिस्तानमा रुसले सैन्य आधार राखेर गतिबिधि गर्दै आएको छ । तालिबानले आक्रमणका घटनामा बृद्धि गरेपछि तात्कालीन सोभियत संघ अन्र्तगतको ताजिकिस्तानमा भारी संख्यामा अफगान सिपाही प्रबेश गरेका थिए ।
विदेशी भूमी थोरै संख्यामा रुसी सेना रहेका छन् । जसमध्ये एक ताजिकिस्तान पनि हो । समाचार संस्था एएनआईका अनुसार ताजिकिस्तानले रुसको २०१ औं सैन्य आधारमा करिब छ हजार सेनालाई आमन्त्रण गर्ने बताइएको छ ।
रुसी विदेश मन्त्री सर्जै लभ्रोभले आफ्नो पक्ष राष्ट्र ताजिकिस्तानमा अस्थिरता उत्पन्न गराउने गतिबिधि रोक्न रुसी सैन्य शक्ति परिचालन गर्न नहटने बताउनुभएको छ । ताजिकिस्तानका राष्ट्रपति इमोमाली रहमोनले सेनालाई सम्बोधन गर्ने क्रममा अफगानिस्तानको अवस्था तरल रहेको र हुन सक्ने जोखिम नियन्त्रणका लागि पूर्ण तयार रहेको बताउनुभएको छ ।
