रौतहटको कटहरिया नगरपालिकाका एक जना युवाले आफ्नो वडाभरिका सामुदायिक विद्यालयमा अध्ययनरत छात्रछात्रालाई स्कुल ब्याग तथा शैक्षिक सामग्री वितरण गरेका छन् । कटहरिया–८ का युवा हेमकुमार साहले आफ्नाे ३६ औं जन्मदिनको अवसरमा वडाका विद्यालयमा अध्ययनरत ३५० बालबालिकालाई स्कुल ब्याग तथा कपीकलम वितरण गरेका हुन् । उक्त अवसरमा कटहरिया नगर प्रवक्ता चन्दन कुशवाहा,आइटी आर्मीका जिल्ला संयोजक नरेश साह,शिक्षक,विद्यार्थी,अभिभावक र स्थानीयहरूको उपस्थिति रहेको थियो ।
