रेडियो नेपाल आफ्नो स्थापनाकालको ७० वर्ष पूरा गरी आजैदेखि ७१औँ वर्षमा प्रवेश गर्दै छ । ७० वर्ष पूरा गर्नु आफैँमा परिपक्व र अनुभवको खानी हुनुको पर्यायवाची पनि हो । यस अर्थमा पनि रेडियो नेपाल प्रसारण प्रभावकारिताका दृष्टिले अब्बल हुनुपर्ने भन्नेमा विवाद छैन । यद्यपि के–कति प्रभावकारी र लोकप्रिय छ भन्ने सवाल श्रोता सर्वेक्षण र अनुसन्धानको पाटो हुन सक्छ, जुन रेडियो नेपालबाहिरका व्यक्तित्वबाट हुनु न्यायोचित हुन सक्छ ।
