काठमाण्डाै – नेकपा माओवादी केन्द्रका नेता वर्षमान पुन थप उपचारका लागि थाइल्याण्डको बैंकक प्रस्थान गर्नु भएको छ ।
उहाँको स्वास्थ्यमा समस्या देखिएपछि दुई दिन अघिदेखि अस्पताल भर्ना गरिएको थियो । तर, सुधार नभएपछि थप उपचारका लागि डाक्टरको सल्लाहमा नै उहाँ बैंकक जानुभएको उहाँको सचिवालयले जनाएको छ । उहाँलाई फेरि जण्डिस देखिएको छ । यसअघि पनि स्वास्थ्यमा समस्या देखिएपछि उहाँ उपचारका लागि थाइल्याण्ड जानु भएको थियो । पाँच वर्षयता नेता पुनले बैंककमा नियमित उपचार गराइरहनु भएको छ ।
