काठमाण्डाै – एएफसी एसियन कप–२०२३ आयोजना गर्न चार वटा देशले दाबी पेस गरेका छन् । एसियन फुटबल कन्फेडेरेशन (एएफसी) ले एसियन कप आयोजनाका लागि अस्ट्रेलिया, कतार, इन्डोनेसिया र दक्षिण कोरियाले दाबी पेस गरेका जनाएको छ ।
चीनले आयोजकबाट नाम फिर्ता लिएपछि एएफसीले नयाँ आयोजक देशका लागि बोलपत्र आह्वान गरेको थियो । कोभिड–१९ को महामारीका कारण देखाएर चाइनिज फुटबल एसोसियशनले आयोजकबाट नाम फिर्ता लिएको थियो ।
एएफसीले दाबी पेस गर्ने चार देशको मूल्याङ्कन गरेर आयोजक देश घोषणा गर्ने जनाएको छ । ...
