काठमाडौं । माउन्टेन हाइड्रो नेपाल लिमिटेडको आठौं वार्षिक साधारण सभा सम्पन्न भएको छ ।
कम्पनीका अध्यक्ष सिताराम तिमल्सिनाको अध्यक्षतामा भएको साधारणसभाले १ः१ को अनुपातमा अर्थात् शतप्रतिशत हकप्रद शेयर जारी गर्ने प्रस्ताव पारित गरेको छ ।
त्यस्तै सभाले आर्थिक वर्ष २०७९/८० को वार्षिक प्रतिवेदन र लेखापरीक्षकका प्रतिवेदन सहितको आर्थिक वर्ष २०७९/८० को वार्षिक आर्थिक विवरण (वासलात, नाफा नोक्सान हिसाव तथा नगद प्रवाह लगायतका वित्तीय विवरणहरू) माथि छलफल गरी पारित गरेको छ ।
त्यसैगरी सभाले आर्थिक वर्ष २०८०/८१ को लागि लेखापरीक्षक नियुक्तिसमेत गरेको छ । सभाले अरु कुनै जलविद्युत आयोजनालाई प्राप्ति गर्ने तथा गाभ्ने प्रस्ताव पारित गरेको हो ।
.jpg)
