साउन २२ मा नहुने भयो सामलिङ पावर कम्पनीको शेयर निष्कासन

नेप्से परिसूचक ३९.४० अंक घट्दा पनि ५ ओटा कम्पनीको शेयरधनीले सर्वाधिक कमाए

फागुन ८, काठमाडौं । साताको पहिलो कारोबार दिन नेप्से परिसूचक ३९ दशमलव ४० अंकले घटेको छ । यस दिन कारोबारमा आएका २३० ओटा धितोपत्रमध्ये ५ ओटा धितोपत्रका शेयरधनीले कमाएका छन् । युनाइटेड इदी मर्दी एण्ड आरबि हाइड्रोपावर, तेह्रथुम पावर कम्पनी, सामलिङ पावर कम्पनी, नेपाल फाइनान्स र जीवन विकास लघुवित्त वित्तीय संस्थाका शेयरधनीले कमाएका हुन् । यी ५ ओटा कम्पनीमध्ये सबैभन्दा बढी युनाइटेड इदी मर्दीका शेयरधनीले कमाएका छन् । कम्पनीको शेयरमूल्य अघिल्लो कारोबार दिनको तुलनामा आइतवार १० प्रतिशत वृद्धि भएसँगै सर्वाधिक कमाएका हुन् । कम्पनीको शेयरमूल्य प्रतिकित्ता रू. ७५९ पुगेको छ । त्यसैगरी, तेह्रथुम पावर कम्पनीको शेयरमूल्य ८ दशमलव ६४ प्रतिशत, सामलिङ पावर कम्पनीको ६ दशमलव ५५ प्रतिशत, नेपाल फाइनान्सको ४ दशमलव १८ प्रतिशत र जीवन विकास लघुवित्त वित्तीय संस्थाको शेयर मूल्य ३ दशमलव ४९ प्रतिशतका दरले वृद्धि भएको हो । बजार घटेपनि यी ५ ओटा कम्पनीको शेयरमा विक्रेताभन्दा क्रेता धेरै भएकाले शेयरमूल्य बढेको हो । तेह्रथुम पावरको शेयरमूल्य रू. ६७९, सामलिङ पावरको रू.६९९, नेपाल फाइनान्सको रू. ६९८ र जीवन विकास लघुवित्तको शेयरमूल्य प्रतिकित्ता रू. ५ हजार १३३ पुगेको हो ।

Aarthik Abhiyan माघ २०७८

नेपाल धितोपत्र बोर्डले अघि बढायो आईपीओ स्वीकृति प्रक्रिया, ५ ओटा कम्पनीलाई एकै पटक अनुमति दिने तयारी

Aarthik Abhiyan पौष २०७८

आईपीओ निष्कासन नहुँदा हितग्राही खाता खोल्ने क्रम घट्यो

पुस ८, काठमाडौं । धितोपत्र कारोबारका लागि अनिवार्य रहेको हितग्राही खाता (डिम्याट) को संख्या पुस ७ गतेसम्म ४७ लाख ५४ हजार ९५५ पुगेको छ । यो संख्या साउन मसान्तसम्म ४० लाख ८७ हजार ५५ रहेको थियो । साउन मसान्तपछि ६ लाख ६७ हजार ९०० हितग्राही खाता थप भएको सिडिएस एण्ड क्लियरिङ्ग लिमिटेडले जानकारी दिएको छ । पछिल्लो समय आईपीओ निष्कासन नहुँदा हितग्राही खाता खोल्नेको संख्यामा कमि आएको छ । केहि समय अघिसम्म दैनिक १५ हजारसम्म हितग्राही खाता खोलिने गरिएकोमा पछिल्लो समय यो संख्यामा निकै कमि आएको सिडिएससीको भनाइ छ । गत साउन मसान्तसम्मको तथ्यांकलाई गत वर्षको सोही अवधिसम्मको तथ्यांकसँग तुलना गर्दा ३९ लाखभन्दा बढी हितग्राही खाता थपिएका थिए । २०७७ साल साउन मसान्तसम्म १८ लाख ५ हजार ६०७ हितग्राही खाता रहेको थियो । नयाँ बीमा कम्पनीहरु र धेरै जसो जलविद्युत कम्पनीहरुसँगै केहि लघुवित्त कम्पनीहरुले पनि गत वर्ष आईपीओ जारी गरेका थिए । गत वर्ष २२ कम्पनीहरुले आईपीओ निष्कासनका लागि नेपाल धितोपत्र बोर्डबाट स्वीकृति पाएका थिए । चालू आर्थिक वर्षयता भने जम्मा तीन ओटा कम्पनीहरुले मात्र आईपीओ निष्कासनको स्वीकृति पाएका हुन् । यसअघि क्रमश : आईपीओ निष्कासन भइरहनु र धितोपत्र दोस्रो बजारले ऐतिहासिक विन्दु कायम गरेको कारणले पनि हितग्राही खाता खोल्नेको संख्या बढी रहेको सिडिएससीका प्रबक्ता सुरेश न्यौपानेले जानकारी दिए । पछिल्लो समय आईपीओ निष्कासन नहुनु र दोस्रो बजारमा पनि लगानीकर्ताहरु पर्ख र हेरको अवस्थामा रहेका कारण पनि कारोबारका लागि अनिवार्य रहेको हितग्राही खाताको संख्यामा कमी भएको उनको भनाइ छ । दुई महीनादेखि बजारमा छैन आईपीओ प्राथमिक बजारमा पछिल्लो समय हकप्रद शेयर र ऋणपत्रहरु निष्कासन भइरहे पनि विगत दुई महीनादेखि आईपीओ भने निष्कासन भएको छैन । प्राथमिक बजारमा सामलिङ पावर कम्पनी लिमिटेडको आईपीओ निष्कासनपश्चात अन्य कम्पनीको आईपीओ निष्कासन भएको छैन । सामलिङ पावरले कात्तिक ४ गतेदेखि ८ गतेसम्म सर्वसाधारणमा आईपीओ विक्री गरेको थियो । उक्त कम्पनीले असार ३१ गते धितोपत्र बोर्डबाट आईपीओ निष्कासनको लागि अनुमति पाएको थियो । नियामक निकाय नेपाल धितोपत्र बोर्डमा अध्यक्ष नियुक्त नभएकाले कम्पनीहरुले आईपीओ निष्कासनका लागि स्वीकृति पाउन ढिलाइ भइरहेको छ । सरकारले धितोपत्र बोर्डका अध्यक्ष भिष्मराज ढुङ्गानालाई बुक विल्डिङ्ग विधिमार्फत आईपीओ जारी गर्ने तयारीमा रहेको सर्वोत्तम सिमेण्टको शेयर गैरकानूनी रुपमा खरीद गरेको आरोपमा गत असोज १९ गते बर्खास्त गरेको थियो । सो पश्चात निमित्त अध्यक्षको जिम्मेवारी बोर्डका कार्यकारी निर्देशक निरज गिरीले पाएका छन् । उनले आईपीओ स्वीकृतिका लागि प्रक्रिया अघि बढीरहेको जानकारी दिए । अध्यक्षहुँदा दैनिक रुपमा हुने काम पछिल्लो समय सञ्चालक समितिको बैठक हुँदा मात्र हुने भएकाले अनुमति दिने प्रक्रियामा ढिला हुन गएकोसमेत उनले बताए । यसअघि कम्पनीहरुलाई आईपीओ निष्कासनको अनुमति दिंदा शर्त राखेर दिइने गरिएको थियो भने अब ती शर्त पुरा भएपछि मात्र दिने सञ्चालक समितिको निर्देशन बमोजिम काम भइरहेको समेत उनले बताए । आर्थिक अभियान दैनिकको प्रिन्टबाट

Aarthik Abhiyan मंसिर २०७८

नेप्सेमा सामलिङ पावर र न्यादी हाइड्रोको शेयर सुचिकृत, कतिमा हुन्छ सुरुवाती कारोबार ?

Bizpati कार्तिक २०७८

सामलिङ पावरको शेयर डिम्याट खातामा, एसपिसी सिम्बलबाट कारोबार हुने

सामलिङ पावर कम्पनी लिमिटेडले निष्काशन गरेको शेयर लगानीकर्ताको डिम्याट खातामा आउँन थालेको छ । शेयर डिम्याटमा आएसंगै अब कम्पनीको शेयर नेपाल स्टक एक्सचेन्ज नेप्सेमा सुचिकृत भएपछि लगानीकर्ताले यी शेयर खरीद बिक्रि गर्न सक्ने छन् । कम्पनीको SPC सिम्बलबाट कारोबार हुने छ । कम्पनीले कात्तिक ४ गतेदेखि कात्तिक ८ गतेसम्म आईपिओ निष्काशन गरेको थियो । कम्पनीले सर्बसाधारणलाई ७ लाख ३० हजार कित्ता शेयर निष्काशन गरेको हो । जस मध्ये १४ हजार ६ सय कित्ता कम्पनीका कर्मचारीलाई सुरक्षित गरिएको छ भने ३६ हजार ५ सय कित्ता सामुहिक लगानी कोषहरुको लागि छुट्याईएको थियो। कम्पनीको आईपिओ प्रति कित्ता १० का दरले ६७ हजार ८९० जनाले पाएका छन्। आइपीओमा २१ लाख ९८ हजार ७६४ जनाले आबेदन दिएका थिए। जस मध्ये ९ हजार ९८६ जनाको आबेदन रद्द भएको थियो । योग्य २१ लाख ८८ हजार ७७८ जना मध्ये ६७ हजार ८९० सामलिङ्ग पावर कम्पनीको आइपीओ पाएका हुन्। कम्पनीले इलाम जिल्ला स्थित माईबेनी जलविद्युत आयोजनाबाट ९.५१ मेगावाट जलविद्युत आयोजनाको सम्पूर्ण निर्माण कार्य सम्पन्न गरी २०७८ आश्विन १ गते देखि व्यापारिक उत्पादन सुरु गरी सकेको छ । कम्पनीले आयोजना सम्पन्न गरिसक्नु पर्ने समय २०७८ साल मङ्सिर २ गते रहेपनि २ महिना अगावै व्यापारिक उत्पादन गर्न सफल भएको हो ।

Bizpati कार्तिक २०७८

अन्तिम दिनसम्म करीब २३ लाखले भरे सामलिङ पावरको आईपीओ

कात्तिक ८, काठमाडौं । कात्तिक ४ गतेदेखि सार्वजनिक निष्कासनमा आएको सामलिङ पावर कम्पनी लिमिटेडको आईपीओ अन्तिम दिन सोमवारसम्म २२ लाख ६५ हजार ६९८ जनाले भरेका छन् । सिडिएस एण्ड क्लियरिङ लिमिटेडले दिएको जानकारी अनुसार यी आवेदकहरुबाट सोमवार साँझ ५ बजेसम्म २ करोड ६९ लाख ३३ हजार ५०० कित्ताको लागि आवेदन परेको हो । जुन आवेदन मागभन्दा ३९ दशमलव ६७ गुणा बढी हो । कम्पनीले सर्वसाधारणका लागि छुट्याएको रू. ७ करोड ३० लाख बराबरको ७ लाख ३० हजार कित्ता शेयरमध्य २ प्रतिशत अर्थात् १४ हजार ६०० कित्ता कम्पनीका कर्मचारीहरुका लागि र ५ प्रतिशत अर्थात् ३६ हजार ५०० कित्ता सामूहिक लगानी कोषका लागि सुरक्षित गरी बाँकी ६ लाख ७८ हजार ९०० कित्ता सार्वजनिक निष्कासनमा ल्याएको हो । यो शेयर खरीदका लागि न्यूनतम १० कित्तादेखि अधिकतम २० हजार कित्तासम्म माग गर्न सकिने व्यवस्था थियो । कम्पनीको आईपीओलाई इक्रा नेपालले वित्तीय दायित्व पूरा गर्ने सम्बन्धमा मध्यम जोखिम संकेत गर्ने इक्राएनपी आईआर डबल बी माईनस रेटिङ प्रदान गरेको छ । सर्वसाधारणलाई आईपीओ जारी गर्नुअघि कम्पनीले पहिलो चरणमा आयोजना प्रभावित स्थानीयलाई रू. ५ करोड बराबरको ५ लाख कित्ता शेयर वितरण गरिसकेको छ । सर्वसाधारणका लागि रू. १२ करोड ३० लाख बराबरको १२ लाख ३० हजार कित्ता आईपीओ विक्री गर्न असार ३१ गते बोर्डको अनुमति पाएको कम्पनीले पहिलो चरणमा स्थानीयमा शेयर जारी गरिसकेको हो । आयोजना प्रभावितहरुका लागि छुट्याएको कुल कित्तामध्ये पनि कम्पनीले ईलाम जिल्लाभरीका वासिन्दाहरुका लागि ६० प्रतिशत अर्थात ३ लाख कित्ता र अति प्रभावित क्षेत्र इलामा नगरपालिका वडा नम्बर ८ र १० तथा माईजोगमाई गाउँपालिका वडा नम्बर ४ र ५ का वासिन्दाहरुका लागि ४० प्रतिशत अर्थात् २ लाख कित्ता शेयर विक्री गरेको हो । यस कम्पनीले इलाम जिल्लामा ९ दशमलव ५१ मेगावाट क्षमताको माईबेनी जलविद्युत् आयोजनाको निर्माण कार्य सम्पन्न गरी असोज १ गतेदेखिनै व्यापारिक उत्पादन शुरु गरिसकेको छ । उक्त आयोजनाको अनुमानित कुल लागत प्रतिमेगावाट रू. २१ करोड ३ लाख ५ हजार रहेको छ । हाल कम्पनीको चुक्तापूँजी रू. ३७ करोड ७० लाख रहेको छ । कम्पनीको अधिकृत पूँजी रू. ५० करोड रहेको छ । कम्पनीको तत्काल जारी पूँजी पनि रू. ५० करोडनै रहेको छ । हाल संस्थापक तर्फ कम्पनीमा ७५ दशमलव ४० प्रतिशत शेयर स्वामित्व कायम रहेको छ । सर्वसाधारणमा कम्पनीले २४ दशमलव ६० प्रतिशत शेयर विक्री गर्न लागेको हो । यसमध्येपनि स्थानीयमा १० प्रतिशत र कर्मचारी सहित सर्वसाधारणमा १४ दशमलव ६० प्रतिशत शेयर स्वामित्व रहनेछ । सर्वसाधारणमा आईपीओ विक्रीपछि कम्पनीको चुक्तापूँजी रू. ५० करोड पुग्नेछ । कम्पनीको आर्थिक वर्ष ०७६/७७ सम्मको वास्तविक वित्तीय अवस्था अनुसार उक्त अवधिसम्म कम्पनी रू. १० लाख ३५ हजार खुद नोक्सानीमा रहेको छ । आर्थिक वर्ष ०७७/७८ मा रू. २ करोड ४० लाख खुद नाफा आर्जन गर्ने प्रक्षेपण गरेको छ । आर्थिक वर्ष ०७६/७७ सम्म कम्पनीको वास्तविक प्रतिशेयर नेटवर्थ रू. ९८ दशमलव ७७ रहेको छ भने प्रतिशेयर आम्दानी रू. शून्य दशमलव २७ ऋणात्मक छ । दोस्रो बजारमा पहिलो कारोबारका लागि कम्पनीले प्रतिकित्ता रू. ९८ दशमलव ७७ देखि तीन गुणासम्म रू. २९६ दशमलव ३१ सम्मको मूल्य रेञ्ज पाउने देखिन्छ ।

Aarthik Abhiyan आश्विन २०७८

सामलिङ पावर कम्पनीको आइपिओ बिक्री खुला

सामलिङ पावर कम्पनी लिमिटेडले आजदेखि सर्वसाधारणका लागि साधारण शेयर बिक्री खुल्ला गरेको छ । कम्पनीले प्रतिकित्ता रु एकसय अङ्कित मूल्यमा रु सात करोड ३० लाख मूल्य बराबरको सात लाख ३० हजार कित्ता प्रारम्भिक सार्वजनिक निष्कासन (आइपिओ) को शेयर बिक्री खुल्ला गरेको हो । निष्काशन गरिने साधारण शेयरमध्ये पाँच प्रतिशत अर्थात् ३६ हजार ५०० कित्ता सामूहिक लगानी कोषलाई बाँडफाँड र दुई प्रतिशत अर्थात् १४ हजार ६०० कित्ता शेयर कर्मचारीलाई सुरक्षित गरिएको छ ।

गोरखापत्र आश्विन २०७८

आइपिओ जारी गर्दै सामलिङ्ग पावर कम्पनी

सामलिङ्ग पावर कम्पनी लिमिटेडले आगामी कात्तिक ४ गतेदेखि सर्वसाधारणका लागि साधारण शेयर बिक्री खुल्ला गर्ने भएको छ। कम्पनीले प्रतिकित्ता १०० रुपैयाँ अंकित मूल्यमा सात करोड ३० लाख रुपैयाँ बराबरको सात...

नयाँ पत्रिका भाद्र २०७८

साउन २२ गतेदेखि विक्रीको मिति तय भएको सामलिङ पावरको आईपीओ निष्कासन स्थगित

साउन २०, काठमाडौं । सामलिङ पावर कम्पनी लिमिटेडको आईपीओ निष्कासन हाललाई स्थगित भएको छ । कम्पनीले साउन २२ गतेदेखि आयोजना प्रभावित स्थानियका लागि आईपीओ निष्कासन गर्ने मिति तय गरेको थियो । यसअघि इलाममा कोभिड संक्रमणलाई रोक्न साउन १८ गनेसम्म जारी भएको निषेधाज्ञा साउन २५ गतेसम्म लागू गरिएकाले आईपीओ निष्कासन प्रकृया हाललाई स्थगित गरिएको हो । परिस्थिति सहज भएपछि पुनः अर्को सूचना प्रकाशित गरी सार्वजनि निष्कासन तथा विक्री खुला गरिने जानकारी कम्पनीले दिएको छ । कम्पनीले पहिलो चरणमा स्थानीयलाई रू. ५ करोड बराबरको ५ लाख कित्ता शेयर विक्री गर्न लागेको हो । सर्वसाधारणका लागि रू. १२ करोड ३० लाख बराबरको १२ लाख ३० हजार कित्ता आईपीओ विक्री गर्न असार ३१ गते बोर्डको अनुमति पाएको कम्पनीले पहिलो चरणमा स्थानीयमा शेयर जारी गर्न लागेको हो । आयोजना प्रभावितहरुका लागि छुट्याएको कुल कित्तामध्ये पनि कम्पनीले ईलाम जिल्लाभरीका वासिन्दाहरुका लागि ६० प्रतिशत अर्थात ३ लाख कित्ता र अति प्रभावित क्षेत्र इलामा नगरपालिका वडा नम्बर ८ र १० तथा माईजोगमाई गाउँपालिका वडा नम्बर ४ र ५ का वासिन्दाहरुका लागि ४० प्रतिशत अर्थात २ लाख कित्ता शेयर विक्री गर्नेछ । यो शेयर विक्री प्रबन्धकमा नेपाल एसबिआई मर्चेण्ट बैैंकिङ लिमिटेड रहेको छ । यस पावर कम्पनीले इलाम जिल्लामा ९ दशमलव ५१ मेगावाट क्षमताको माईबेनी जलविद्युत् आयोजना निर्माण गरिरहेको छ । उक्त आयोजन निर्माणका लागि थप पूँजी जुटाउन कम्पनीले आईपीओ जारी गर्न लागेको हो । उक्त आयोजनाको अनुमानित कुल लाग प्रतिमेगावाट रू. २१ करोड ३ लाख ५ हजार रहेको छ । हाल कम्पनीको चुक्तापूँजी रू. ३७ करोड ७० लाख रहेको छ । संस्थापक तर्फ कम्पनीमा ७५ दशमलव ४० प्रतिशत शेयर स्वामित्व कायम रहेको छ । सर्वसाधारणमा कम्पनीले २४ दशमलव ६० प्रतिशत शेयर विक्री गर्न लागेको हो । यसमध्ये पनि स्थानीयमा १० प्रतिशत र कर्मचारी सहित सर्वसाधारणमा १४ दशमलव ६० प्रतिशत शेयर स्वामित्व रहनेछ । सर्वसाधारणमा आईपीओ विक्रीपछि कम्पनीको चुक्तापूँजी रू. ५० करोड पुग्नेछ । आर्थिक वर्ष ०७६/७७ सम्म कम्पनीको वास्तविक प्रतिशेयर नेटवर्थ रू. ९८ दशमलव ७७ रहेको छ भने उक्त अवधिसम्म कम्पनी १० लाख नोक्सानीमा रहेको छ ।

Aarthik Abhiyan आषाढ २०७८

सामलिङ पावर कम्पनीले २२ गतेदेखि आईपीओ खोल्ने

काठमाडौं, साउन १४ । सामलिङ पावर कम्पनी लिमिटेडले साउन २२ गतेदेखि आयोजना प्रभावित स्थानीयका लागि आईपीओ निष्कासन गर्ने भएको छ । कम्पनीले पहिलो चरणमा स्थानियलाई पाँच करोड बराबरको पाँच लाख कित्ता शेयर विक्री गर्न लागेको हो । सर्वसाधारणका लागि १२ करोड ३० लाख बराबरको १२ लाख ३० हजार कित्ता आईपीओ विक्री गर्न असार ३१ गते […]

Reporters Nepal आषाढ २०७८

साउन २२ मा नहुने भयो सामलिङ पावर कम्पनीको शेयर निष्कासन

सम्बन्धित सामग्री