काँग्रेस प्रवक्ता समेत रहेका १४ औं महाधिवेशनमा महामन्त्री पदका प्रतिस्पर्धी विश्वप्रकाश शर्माले अब पार्टीभित्रको प्रतिस्पर्धा सकिएको बताएका छन् । चुनाव सकिएसँगै पार्टीभित्र हार्दिक एकता जरुरी रहेको उनले ट्वीटरमा उल्लेख गरेका छन् ।
मंगलबार मध्यरातमा उनले गरेको ट्वीटमा भनिएको छ, ‘अब सकियो प्रतिस्पर्धा, परिणामपछि हार्दिक एकता । जय नेपाल !’
महामन्त्रीमा विश्वप्रकाश प्रकाशमान सिंहको टीमबाट प्रतिस्पर्धामा उत्रिएका थिए । काँग्रेसमा नयाँ नेतृत्व चयनका लागि सोमबार मतदान भएको थियो ।
