प्रधानन्यायाधीश चोलेन्द्र शमशेर जबरालाई भेट्नुअघि न्यायाधीशहरू आन्तरिक छलफलमा जुटेका छन् ।
सर्वोच्च अदालतस्थित न्यायिक संग्रहालयको सभाकक्षमा न्यायाधीशहरूबीच छलफल भइरहेको हो ।
प्रधानन्यायाधीशको भूमिकाप्रति असन्तुष्ट न्यायाधीशहरूले आज प्रधानन्यायाधीशलाई सामूहिक रूपमा भेट्ने तयारी गरेका छन् ।
सोमवार बसेको १३ न्यायाधीशको बैठकले जबरालाई भेटेर उनको कुरा सुन्ने र निकासका लागि आग्रह गर्ने निर्णय गरेको थियो ।
जबरालाई भेटेपछि पुन: बैठक बसेर भावी रणनीति तय गर्ने तयारीमा न्यायाधीशहरू छन् ।
