काठमाडौं । प्रभु लाइफ इन्स्योरेन्सले काठमाडौंमा ‘सक्सेस मन्त्र फर लीडरसीप’ कार्यक्रम सम्पन्न गरेको छ । शनिवार सम्पन्न कार्यक्रममा कम्पनीका बाग्मती प्रदेशअन्तर्गतका एजेन्सी लिडर्स एवं कर्मचारीको सहभागिता थियो । कार्यक्रममा नायब महाप्रबन्धक सोन आले मगरले लीडरसीप सेसनले कम्पनीमा आबद्ध बीमा मध्यस्थकर्ता र कर्मचारीको कार्यक्षमता वृद्धिका साथै व्यावसायिक सफलतामा सहयोग पुगेको बताए ।
कार्यक्रममा कम्पनीका जोनल हेड प्रयास श्रेष्ठ, एजेन्सी प्रमुख प्रभात शिवाकोटी, ब्राण्डिङ प्रमुख विनोद घिमिरे, सूचना प्रविधि प्रमुख राजु घिमिरे लगायतको उपस्थिति थियो । प्रशिक्षक मीनबहादुर घलेले लीडरसीपसम्बन्धी व्यावहारिक ज्ञान दिएका थिए । कार्यक्रममा अभिकर्ताको व्यावसायिक जीवनका आयाम र सफलताका सूत्रका विषयमा छलफल गरिएको थियो ।
