निर्माणको जिम्मा लिएका ठेकेदारले निर्धारित समयमा काम पूरा नगर्दा बाँके जिल्लाका विभिन्न स्थानमा निर्माण भइरहेका पाँचवटा पुल अधुरै अवस्थामा रहेका छन् । ती पुलको निर्माण पूरा नहुँदा एकातिर विकास निर्माणको काम रोकिएको छ भने अर्कातिर सो क्षेत्रका स्थानीयवासीलाई आवागमनमा समेत समस्या भइरहेको छ । लुम्बिनी प्रदेश सरकारको लगानीमा बाँकेमा निर्माण भइरहेका सातवटा पुलमध्ये पाँचवटाको काम अधुरै रहेको छ ।
