स्थानीय तह निर्वाचनका लागि मनोनयन दर्ता प्रक्रिया सुरु भइसक्दा नेपाली काँग्रेसलाई भने महानगरको उम्मेदवार टुङ्गो लगाउन सकस परेको छ । विराटनगर महानगरको प्रमुखमा उम्मेदवार चयन गर्ने विषयमा विवाद हुँदा काँग्रेसले अझैसम्म पनि निर्णय लिन नसकेको हो । सत्तारुढ दलसँग गठबन्धन गर्दा काँग्रेसको भागमा ६ मध्ये तीनवटा महानगर परेको छ । यसमध्ये काठमाडौँको मेयरमा सिर्जना सिंहको नाममा सहमति जुटिसकेको छ । तर विराटनगरको मेयरमा शेखर कोइराला र कृष्णप्रसाद सिटौलाले आ–आफ्नो पक्षका उम्मेदवारलाई नै उठाउनुपर्ने
