सार्वजनिक सेयर निष्कासनमा बुक बिल्डिङ प्रणाली लागू गर्ने व्यवस्था बल्ल सुरु भएको छ । धितोपत्र बोर्डको बैठकले बुक बिल्डिङ निर्देशिका २०७७ कार्यान्वयनमा ल्याउने निर्णय गरेसँगै केही वर्षदेखिको प्रयासले सार्थकता पाएको छ । अब कम्पनीहरूको आईपीओमा बुक बिल्डिङ विधि लागू गर्न पाउने भए पनि सबै कम्पनीका लागि आईपीओ जारीमा यो विधि अनिवार्य भने होइन । सामान्यतया योग्य संस्थागत लगानीकर्ताको मागको आधारमा प्राथमिक बजारमा निस्कासन गरिने धितोपत्रको वास्तविक एवम् न्यायोचित मूल्य निर्धारण विधिलाई नै बुक विल्डिङ विधि भनिन्छ ।
