मधेश, पोखरा र राप्ती स्वास्थ्य विज्ञान प्रतिष्ठानले एमबीबीएसमा पाए ५०/५० सिट
आयोगले मधेश स्वास्थ्य विज्ञान प्रतिष्ठान, पोखरा स्वास्थ्य विज्ञान प्रतिष्ठान र राप्ती स्वास्थ्य विज्ञान प्रतिष्ठानका लागि यही शैक्षिक सत्रदेखि एमबीबीएस अध्यापन सुरु गर्ने गरी सिट निर्धारण गरेको हो।
दाङ – लुम्बिनी प्रदेशका प्रदेश प्रमुख अमिक शेरचनले स्वास्थ्य विज्ञान प्रतिष्ठान घोराहीको स्थलगत अवलोकन गरेका छन्। सो अवसरमा उनले जनताको स्वास्थ्य र शिक्षासँग जोडिएको प्रतिष्ठानको विकासका लागि पहल गर्ने बताए। प्रदेश प्रमुख शेरचनले आफू स्वास्थ्यमन्त्री हुँदा अस्पतालको स्तरोन्नतिका लागि निर्णय गरेको बताउँदै गुरुयोजनाअनुसार बन्ने ४०० शय्याको अस्पतालको भौतिक पूर्वाधार विकासका लागि बजेट प्रदान गर्न केन्द्र […]
राप्ती स्वास्थ्य विज्ञान प्रतिष्ठान घोराहीमा पहिलोपटक मेरुदण्डको सफल शल्यक्रिया गरिएको छ। घोराही उपमहानगरपालिका–७ सौडियार निवासी ३३ बर्षीया महिलाको प्रतिष्ठानमा मेरुदण्डको सफलतापूर्वक शल्यक्रिया गरिएको हो।
दाङ । कोरोनाका बिरामी बढ्दै गएपछि उपचार सहज बनाउन दाङको राप्ती स्वास्थ्य विज्ञान प्रतिष्ठानले सेवा विस्तारको तयारी थालेको छ । सेवा विस्तार एवं स्तरोन्नति गरेर एक हप्ताभित्रै उच्चस्तरीय प्रविधिबाट संक्रमित बिरामीको उपचार गरिने प्रतिष्ठानले बताएको छ ।
सेवा विस्तारअन्तर्गत आईसीयू सञ्चालनमा ल्याउने तयारी भइरहेको प्रतिष्ठानकी उपकुलपति डा. संगीता भण्डारीले बताएकी छन् । ‘प्रतिष्ठानमा सेवा विस्तारको काम भइरहेको छ,’ उनले भनिन्, ‘एक सातामै आईसीयूसहितको उच्चस्तरीय प्रविधिबाट कोभिडका बिरामीको उपचार शुरू गर्छौं ।’
हाल कोरोनाको दोस्रोे लहरपछि संक्रमित बिरामीको मृत्युदर अत्यधिक बढेको र अस्पताल आउने सबैलाई अक्सिजन लगाउनुपर्ने अवस्था आएको उपकुलपति भण्डारीले बताइन् । सोही अवस्थालाई ध्यानमा राख्दै आईसीयू सेवा सञ्चालनको तयारी भइरहेको प्रतिष्ठानले बताएको छ । तत्कालका लागि १५ बेडको आईसीयू सञ्चालनमा ल्याइने र केही केही समयपछि क्षमता बढाएर २५ बेड पु¥याइने जानकारी दिइएको छ । आईसीयू सञ्चालनका लागि हाल विज्ञद्वारा प्रतिष्ठानका चिकित्सकलाई तालीम दिन थालिएको छ ।
उपकुलपति भण्डारीका अनुसार तालीम सम्पन्न भएलगत्तै आईसीयू पनि सञ्चालनमा आउने र कम्तीमा ३ महीना विज्ञसहितको टोलीले आईसीयूमा काम गर्नेछ । अस्पतालको सेवा विस्तारका लागि अहिले बजेटको अभाव नभएको उनले बताइन् ।
हाल ५५ बेडमा कोरोनाका बिरामीको उपचार गरिरहेको प्रतिष्ठानले दश दिनभित्र १०० बेडमा सेवा विस्तार गर्ने भएको छ ।
यसैगरी प्रतिष्ठानमा दुईओटा अक्सिजन प्लान्ट स्थापना गर्न थालिएको छ । नेपाल सरकारले अक्सिजन प्लान्ट स्थापनाका लागि रू. १२ करोड बजेट प्रदान गरेपछि प्रतिष्ठानले प्लान्ट खरीद प्रक्रिया पूरा गरेको छ । आवश्यक सामग्री खरीद भइसकेकाले अबको दश दिनभित्र अक्सिजन प्लान्ट स्थापना गरिने उपकुलपति भण्डारीले जानकारी दिएकी छन् ।
प्रत्येक बेडमा पुर्याइने अक्सिजनका लागि पाइपलाइन विस्तार लगायतका काम सम्पन्न भइसकेका छन् । प्रतिष्ठानले उच्च प्रविधिको एमआरआई मेशिन समेत जडान गर्ने भएको छ । एमआरआई मेशिन जडानका लागि सरकारले प्रतिष्ठानलाई रू. १५ करोड बजेट उपलव्ध गराएको छ ।
