काठमाडौं (अस) । आन्तरिक पर्यटन प्रवद्र्धन, स्वस्थ जीवन, स्वच्छ वातावरण नारासहित पब्लिक को–अपरेटिभ लिमिटेडले स्थापनाको २५ औं वर्ष प्रवेश अवसरमा साइकल यात्रा सम्पन्न गरेको छ । १८ महिलासहित १२३ साइकल यात्री रहेको यात्रा धोबीघाट, ललितपुरदेखि कुपण्डोल, मंगलबजार, लगनखेल, जाउलाखेल, चोभार, पाँगा, कीर्तिपुर, टौदह हुँदै फर्पिङ ड्याम पुगेर सम्पन्न भएको थियो ।
साइकल र्याली उद्घाटन ऊर्जा, जलस्रोत तथा सिँचाइमन्त्री पम्फा भुसालले गरेकी थिइन् भने समापन दक्षिणकाली नगरपालिका प्रमुख मोहन बस्नेत तथा उप–प्रमुख वसन्ती डंगोल तामाङले गरेका थिए । कार्यक्रममा जिल्ला प्रशासनका सहायक जिल्ला अधिकारी हरिप्रसाद पन्त, ललितपुर उद्योग वाणिज्य संघ अध्यक्ष मनोजबहादुर न्याछ्यों, बहुउद्दश्यीय सहकारी संघका माधव तिमिल्सिना, विभिन्न सहकारी संस्थाका अध्यक्ष एवं प्रतिनिधि, संस्थाका कर्मचारीलगायत सहभागी थिए ।
