हामी फर्केपछि लाङटाङ खोलाको पानी त्रिशुलीमा मिस्सिएर हिजोआज त खोज्दै होला, समुन्द्रको कुनै कुनामा आफ्नै नामको लालपुर्जा। एक बर्खा र एक हिउँद, क्यालेन्डरबाट निस्केर खै कता पो पुगे। तर, रौँ जति पनि हलचल भएका छैनन् लाङटाङ यात्राका अमर सम्झनाहरू।२०७७ फागुनको अन्तिम साता, कोभिडले (पहिलो लहर) आफ्नो लय बिर्सँदै थियो। हामीले गुमेको स्वतन्त्रता फिर्ता लिदैँ थियौँ। 'चिलाइरहने पैतालामा किला गाडेर बस्नुपर्ने समयको अन्त्य भयो', मनले सोच्यो। उही २०७७ साल दशैँ अगाडि सरुवा भएर नुवाकोट पुगेँ
