कोभिड–१९ महामारीको विषयलाई लिएर अमेरिका र चीनबीच चलेको वाक युद्ध अब युद्धबिराममा पुगेको छ । यसपछि कोरोनाभाइरस अव वुहान भाइरस रहेन । अमेरिकी राष्ट्रपति डोनाल्ड ट्रम्पले २६ मार्चमा आफ्ना चिनियाँ समकक्षी सी जिनपिङसँग फोनमा वार्ता गरेपछि कोरोनाभाइरसलाई चिनियाँ भाइरस भन्न बन्द गरेका छन् । यसैगरी कोरोनाभाइरसलाई वुहान भाइरस भन्दै आएका अमेरिकी विदेश मन्त्री माइक पोम्पियोले पनि अब सहयोगको कुरा गर्न थालेका छन् ।
