फाइनलमा भारत-पाकिस्तानको भिडन्त हेर्ने समर्थकको चाहना, सेमिफाइनलमा कसको प्रतिस्पर्धी को ?

अष्ट्रेलियामा जारी टि २० विश्वकपको सेमिफाइनल समिकरण पुरा भएको छ । न्युजिल्यान्ड, इंग्ल्यान्ड, भारत र पाकिस्तानले सेमिफाइनलमा स्थान पक्का गरेका छन्  ।न्युजिल्यान्ड र  इंग्ल्यान्ड समुह १ बाट सेमिफाइनलमा प्रवेश गरेका हुन् भने भारत र पाकिस्तान समुह २ बाट सेमिफाइनलमा प्रवेश गरेका हुन् । न्युजिल्यान्ड र  इंग्ल्यान्ड क्रमश समुह बिजेता र उप बिजेता हुदै सेमिफाइनलमा प्रवेश गरेका हुन् । त्यस्तै भारत र पाकिस्तान समुह बिजेता र उप बिजेता हुदै सेमिफाइनलमा प्रवेश गरेका हुन् । अब पहिलो सेमिफाइनलमा न्युजिल्यान्ड र पाकिस्तानबीच प्रतिस्पर्धा हुने छ । यो खेल आगामी बुधबार सिड्नी क्रिकेट ग्राउण्डमा हुने छ । त्यस्तै दोस्रो सेमिफाइनलमा आगामी बिहिबार भारत र इंग्ल्यान्डबीच हुने छ । यो खेल एडीलेडमा हुने छ ।  दुवै खेल नेपाली समय अनुसार दिउंसो १:४५ बजे सुरु हुने छ । फाइनल खेल भने आगामी आइतबार मेलबर्न क्रिकेट ग्राउण्डमा हुने छ ।  फाइनल खेल पनि दिउँसो १:४५ बजे नै हुने छ ।  फाइनल खेल भारत र पाकिस्तानबीच होस् भन्ने चाहना सामाजिक संजालमा  देखिन थालेको छ ।  भारत र पाकिस्तानले सेमिफाइनलमा आ-आफ्नो खेल जितेमा भारत र पाकिस्तानबीचको फाइनल खेल सम्भव हुने छ । विश्वकप अन्तर्गत आज ३ खेल भएका थिए । जसमा पहिलो खेलमा नेदरल्याण्डले साउथ अफ्रीकालाई हराएपछि साउथ अफ्रीका विश्वकपबाट बाहिरिएको हो । साउथ अफ्रीकाले हार बेहोरेकै कारणले पाकिस्तानको सेमिफाइनलमा स्थान सम्भव भएको हो । आज नै दोस्रो खेलमा बंगलादेश र पाकिस्तान खेलेका थिए ।  यस खेलको बिजेताले सेमिफाइनलमा स्थान बनाउने पक्का रहेकोले यो क्वाटरफाइनल जस्तै भएको थियो । यो खेलमा पाकिस्तानले बंगलादेश हराएर सेमिफाइनलमा पुगेको हो । आजको अन्तिम खेलमा भारतले जिम्बाबेलाई पराजित गर्दै समुह बिजेता बन्दै सेमिफाइनलमा पुगेको हो । यद्यपि साउथ अफ्रीकाको हार सँगै अन्तिम खेल अगाडी नै भारत सेमिफाइनलमा पुगिसकेको थियो । आफ्नो अन्तिम खेल पनि जित्दै भारत समुह बिजेता बन्दै सेमिफाइनलमा जाने भएको हो ।  डिफेन्डिङ च्याम्पियन अस्ट्रेलिया भने यस पटक सेमिफाइनलमा पुग्न असफल भएको छ । समूह १ मा रहेको अष्ट्रेलिया समान अंक भएसँगै इंग्ल्यान्डसँग नेट रन रेटमा पछि पर्दै सेमिफाइनलमा पुग्नबाट बन्चित भएको हो ।