काठमाडौं : गत वैशाख ३० गते विभिन्न कारण स्थगन भएकामध्ये बारा र रौतहटसहित विभिन्न जिल्लाका स्थानीय तहका १५ मतदान केन्द्रमा आज निर्वाचन भइरहेको छ।रौतहटको गरुडा नगरपालिका वडा-७, बौधीमाई नगरपालिकाको वडा-१, २ र ९, गढीमाई नगरपालिकाको वडा-३ र ६, यमुनामाई गाउँपालिकाको वडा-१ र २, देवानी गोनाही नगरपालिकाको वडा-२ तथा फतुवाविजयपुर नगरपालिकाको वडा-७ मा मतदान जारी छ। यसैगरी बाराको पचरौता नगरपालिका वडा-२ र ४, हुम्लाको चंखेली गाउँपालिकाको वडा-२ र तनहुँको व्यास नगरपालिकाको वडा-४ मा मतदान जारी छ।