काठमाडौं (अस) । सन नेपाल लाइफ इन्स्योरेन्स कम्पनीले अभिकर्ता सम्मान तथा बीमा अभिमुखीकरण कार्यक्रम सम्पन्न गरेको छ । मुख्य मार्केटिङ विभाग त्रिपुरेश्वर, शाखा कार्यालयहरू लगनखेल र नारायणघाट मातहतका अभिकर्तालाई चितवनको सौराहामा अभिमुखीकरण तालीम दिइएको हो । जनमानसमा बीमाको महत्त्व, बीमा दाबी भुक्तानी लगायत जानकारी उक्त कार्यक्रममा दिइएको थियो । कम्पनीका महाप्रबन्धक कमलराज गौतमले सहभागीहरूलाई अभिमुखीककरण दिनुका साथै सम्मान गरेका थिए । देशैभर बीमा सेवा प्रदान गर्दै आएको कम्पनीले निकट भविष्यमै सर्वसाधारणलाई साधारण शेयर निष्कासन गर्ने जानकारी दिएको छ ।
