ब्रोकर क्षेत्रमा फ्री इन्ट्री र फ्री एक्जिको नीति अबलम्बन गर्ने नेपाल धितोपत्र बोर्डको निर्णयलाई विभिन्न ३ वटा लगानीकर्ता संघहरुले स्वागत गरेका छन् । लगानीकर्ता संघहरुले बोर्डको उक्त कदम अत्यन्त सराहनीय र प्रशंसनीय रहेको उल्लेख गरेका छन् ।नेपाल ईन्भेष्टर्स फोरम, शेयर लगानीकर्ता संघ नेपाल र नेपाल पुँजीबजार लगानीकर्ता संघले संयुक्त बक्तब्य जारी गर्दै धितोपत्र बोर्डलाई धन्यवाद ज्ञापन गरेका छन् । लगानीकर्ताहरूले विगत लामो समयदेखि नेपालको शेयरबजारको विकास र विस्तारको महत्वपूर्ण कारकको रूपमा रहेको बैंक तथा वित्तीय संस्था वा बैंकको सहायक कम्पनीहरूलाई ब्रोकर लाईसेन्स, प्राकृतिक व्यक्ति वा संस्थालाई FREE ENTRY/FREE EXIT को माध्यमबाट ब्रोकर इजाजत पत्र वितरण गर्नुपर्ने मागलाई सम्बोधन गर्दै नेपाल धितोपत्र बोर्डले 'धितोपत्र व्यवसायी नियमावली २०६४' मा संशोधन गर्ने मस्यौदालाई स्वीकृत गर्ने निर्णय गरेकोमा लगानीकर्ताका आधिकारिक संघ संगठनहरू मार्फत लगानीकर्ताहरूले बोर्ड अध्यक्ष रमेश कुमार हमाल लगायत सम्पूर्ण नेपाल धितोपत्र बोर्ड परिवारलाई धन्यवाद ज्ञापन गरेका हुन्।पूँजीबजारको विकास र विस्तारमा नेपाल धितोपत्र बोर्डबाट भएको उक्त धितोपत्र व्यवसायी नियमावली २०६४ को संशोधन प्रस्ताव अत्यन्त सराहनीय र प्रशंसनीय रहेको उनीहरुले उल्लेख गरेका छन् । उक्त बुंदा कार्यान्वयनमा आएपछि पुँजीबजारको विकास र विस्तारमा कोशेढुङ्गा सावित हुनेछ । पूँजीबजारको क्षेत्रमा समयानुकुल विकास र विस्तारको लागि तीन तहको ब्रोकर इजाजत पत्र वितरण गर्ने कार्यको यथासिघ्र कार्यान्वयन गर्नको लागि नेपाल धितोपत्र बोर्ड मार्फत अर्थ मन्त्रालयको समेत जिम्मेवारी सम्हालेका प्रधानमन्त्री समक्ष जोडदार माग गरेका छन् ।
