काठमाडौं (अस) । निषेधाज्ञाको प्रतिबन्ध क्रमशः खुकुलो हुन थालेपछि कोका–कोलाले रिटेलर्स र किराना पसललाई सहयोग गर्ने योजना बनाएको छ ।
यसको मूल उद्देश्य खाद्य र पेय क्षेत्रलाई आफ्नो पूर्ववत् अवस्थाम ल्याउन र कोभिडपछि फस्टाउन सहयोग पु¥याउनु रहेको कम्पनीले जनाएको छ ।
किराना स्टोरको व्यवसायलाई पुनर्जीवित गर्ने प्रयासमा कोका–कोलाले ह्वाट्सएपमार्फत दु्रत र सुविधाजनक अडरिङ सेवा सुरु गरेको छ, जसले स्वचालित बिक्रेता र वितरकलाई जोड्नमा सहयोग पुर्याउनेछ ।
यसका साथै खुद्रा बिक्रेताले ह्वाट्सएपको माध्यमबाट वितरकसँग सीधै अर्डर लिन सक्नेछन् । यो अवधारणाले व्यापारलाई अगाडि बढाउन सहयोग पु¥याउनेछ भने भौतिक रूपमा हुने भेटघाटको जोखिमबाट बचाउनेछ । यो प्ल्याटफर्म अरू कम्युनिकेसन एप्लिकेसनजस्तै फेसबुक मेसेन्जर र भाइबरमा पनि सम्भव बनाइने कम्पनीले जानकारी दिएको छ ।
‘गत वर्ष साना व्यवसायीका लागि व्यवसाय राम्रो भएन । यो पहलले रिटेलर्सलाई तिनको व्यापार छिटो रिकोभर गर्न सहयोग पु¥याउनेछ । यसले ग्राहकलाई सुरक्षित तरिकाले नजिकैको आउटलेटबाट किन्न प्रोत्साहित गरेर ग्राहकसँग बहुडिजिटल विकल्पसहित सम्पर्क राख्न सकिनेछ । छानिएका मार्केटबाट सुरु गरिएका यी पहल विस्तारै विस्तार गर्नेछौं’, नेपालका लागि कोका–कोलाका कन्ट्री निर्देशक आदर्श अवस्थीले भने ।
कम्पनीले आफ्ना उत्पादन हरेक चरणमा हाइजेनिकल्ली ह्यान्डल्ड रहेको सुनिश्चित गर्न थप सावधानी अपनाएको छ । कम्पनीले कोका–कोलाको कुलर र त्यसमा भएका उत्पादन सफा राख्ने क्लिन अप कार्यक्रम आयोजना गर्नेछ ।
यो पहलले काठमाडौंका रिटेल र किराना स्टोरलाई समेट्नेछ । कोका–कोलाले हाइजिन र पीपीई किट वितरण गर्नेछ भने हजारभन्दा बढी स्टोरमा काउन्टर सिल्डको स्थापना गरिएको बताएको छ ।
