स्टार्ट अप हब नेपाल र ग्लोबल इक्वीटी फण्डबिच स्टार्ट अपको क्षेत्रमा लगानी गर्ने विषयमा सम्झौता भएको छ । ग्लोबल इक्वीटी फण्डको तर्फबाट डा. मनिष थापा र स्टार्ट अपहब नेपालको तर्फबाट डा. शम्भु पोखरेलले सम्झौतामा हस्ताक्षर गरेका छन्। स्टार्ट अप वल्र्ड कपको नेपालको लागी आधिकारीक पाट्र्नर स्टार्ट अप हब नेपाल र नया सोचका साथ स्थापित भएको ग्लोबल इक्वीटी फण्डबीच सम्झौता भएको हो । स्टार्ट अप हब नेपालले स्टार्टअपको विश्वप्रतिश्पर्धा नेपालमा गराउने भएकाले उच्च सम्भाबना भएका स्टार्टअपहरुलाई आवश्यक लगानी गर्न ग्लोबल इक्वीटिफण्डले साझेदारी सम्झौता गरेको फण्डका प्रवन्ध निर्देशक डा. मनिष थापाले बताए ।यसैगरी, सम्झौतामा इक्वीटी फण्डको क्षेत्रमा काम आएमा स्टार्ट अपहब नेपालले ग्लोबल ईक्वीटिलाई रिफर गर्ने र स्टार्ट अपको क्षेत्रमा काम आएमा ग्लोबल ईक्वीटिले स्टार्ट अप हब नेपाललाई रिफर गर्ने समेत उल्लेख गरिएको डा. थापाले बताए । स्टार्ट अप हब नेपाल र ग्लोबल इक्वीटी फण्डबिचको सो सम्झौताले नेपालमा उच्च सम्भाव्यता भएका स्टार्ट अपहरुलाई लगानी नपाएकै कारण खुम्चिएर बस्नुपर्ने अवस्थाबाट मुक्ति दिने दुवै पक्षको विश्वास छ।
