काठमाडौं। नेपालले चालु आर्थिक वर्ष २०७९/८० को पहिलो पाँच महिनामा ४१अर्ब २९करोड७०लाख रुपैयाँको कच्चा भटमास, पाम र सनफ्लवार तेल आयात गरेको छ। भन्सार विभागका अनुसार गत साउनदेखि मंसिरसम्मा २०अर्ब ६८करोड २लाख रुपैयाँको कच्चा भटमास तेल, १४अर्ब३३करोड७०लाख रुपैयाँका कच्चा पामतेल र ६अर्ब२७करोड९७लाख रुपैयाँका कच्चा सनफ्लावर तेल नेपालले आयात गरेको छ। अर्जेन्टिना, ब्राजिल, युक्रेन, इन्डोनेसिया लगायतका देशबाट नेपालमा तेल आउने गरेको छ।
