आजको प्रतिनिधिसभाको बैठकमा एमसीसी सम्झौता पेश भएको छ। नेपाल सरकार र अमेरिकी सहयोग निकाय मिलेनियम च्यालेन्ज कर्पोरेशन (MCC) बीच भएको अनुदान सहायता सम्झौता (Millennium Challenge Compact) आज संसदमा पेश भएको हो।अर्थमन्त्री जनार्दन शर्माको तर्फबाट सूचना प्रविधि तथा सञ्चारमन्त्री ज्ञानेन्द्र कार्कीले सम्झौता अनुमोदनका लागि टेबल गरेका हुन् । सम्झौता पेश गर्दै उनले यस सम्झौत्ता कार्यन्वयनमा गएपछि हुने फाइदा र यस आयोजना संसदबाट अनुमोदन गर्नु पर्ने कारणबारे प्रष्ट पारेका थिए।एमसीसी पेश गर्ने क्रममा सत्तारुढ दल कै केहि सांसदले समेत उठेर बिरोध गरेका थिए । त्यस्तै एमालेले आजको बैठकमा पनि विरोध जारि राखेको छ । आज बिहान मात्र अमेरिकी सहयोग परियोजना एमसीसी संसदमा पेश गर्न सत्ता गठबन्धनभित्र सहमति जुटेको हो । आइतबार बिहान बसेको गठबन्धनका शीर्ष नेताको बैठकले एमसीसी संसदमा टेबल गर्ने विषयमा सत्ता सहमति गरेको हो । आज बिहान प्रधानमन्त्री निवास बालुवाटारमा गठबन्धनका शीर्ष नेताको बैठक बसेको थियो । संसदको अर्को बैठक फागुन १२ गते बिहिबार बस्ने छ।
