डेनमार्कले युरोकप फुटबल २०२० को सेमिफाइनलमा इंग्ल्याण्डको सामना गर्ने भएको छ । डेनमार्कले क्वार्टरफाइनलमा चेक रिपब्लिकलाई २–१ ले हराएर सेमिफाइनलको यात्रा सुनिश्चित गरेको हो । सन् १९९२ पछि डेनमार्क पहिलो पटक युरोकप फुटबलको सेमीफाइनलसम्मको यात्रा सुनिश्चित गरेको छ ।
बाकूमा गए राति अबेर सम्पन्न तेस्रो क्वार्टरफाइनल खेलमा डेनमार्कले चेक रिपब्लिकमाथि जित हात पारेको हो । यूरो कप फुटबलको पहिलो खेलमै मीडफिल्डर क्रिश्चियन एरिकसन हृदयघात भएर मैदानमै लडेपछि भावुक बनेको डेनमार्कले त्यसयता लगातार सुधारिएको प्रदर्शन गर्दै आएको छ । उक्त घटनापछि खेल प्रशंसकको उत्कृष्ट समर्थन पाएको डेनमार्कले क्वार्टरफाइनलमा वेल्सलाई हराएको थियो ।
