जिल्लास्तरीय अगुवा कार्यकर्ता भेलामा सहभागी हुन पूर्वप्रधानमन्त्री एवं नेकपा एमालेका अध्यक्ष केपी शर्मा ओली गृहजिल्ला झापा पुगेका छन् ।
झापाको बिर्तामोडमा आयोजना हुने कार्यकर्ता भेलालाई ओलीले मंगलवार सम्बोधन गर्दैछन् ।
नेकपा एमाले विभाजन गरेर माधव नेपालले एकीकृत समाजवादी पार्टी गठन गरेपछि ओलीले जिल्ला जिल्लामा कार्यकर्ता भेलालाई सम्बोधनको तयारी गरेका छन् ।
झापाबाट फर्केलगत्तै ओली बुधवार रुपन्देहीको बुटवलमा आयोजित कार्यकर्ता भेलालाई सम्बोधन गर्न जाने कार्यक्रम तय भएको एमाले स्रोतले जानकारी दियो ।
