जेठ ७, काठमाडौं । सीईडीबी हाइड्रोपावर कम्पनी लिमिटेडले दोस्रो बजारमा पहिलो कारोबारको लागि नेपाल स्टक एक्सचेञ्ज(नेप्से) बाट रू. १३८ दशमलव ७९ देखि ४१६ दशमलव ३७ सम्म ओपन रेञ्ज पाउने देखिएको छ ।
कम्पनीको पछिल्लो वास्तविक प्रतिशेयर नेटवर्थ रू. १३८ दशमलव ७९ रहेको छ । सोही कारण नेप्सेले कम्पनीको पहिलो कारोबारको लागि नेटवर्थको तीन गुणासम्म मूल्य रेञ्ज तोक्ने गरेकाले उक्त मूल्य रेञ्ज पाउने देखिएको हो ।
कम्पनीको प्रतिशेयर नेटवर्थ गत आवको अन्त्यसम्म रू. १३८ दशमलव ७९ रहेको छ । सोही आधारमा नेप्सेले पहिलो कारोबारको लागि मूल्य रेञ्ज तोक्ने गर्दछ ।
उक्त कम्पनीले गत वैशाख २७ गतेदेखि २१ गतेसम्म सर्वसाधारणको लागि आईपीओ निष्कासन गरेको थियो । कम्पनीले २५ लाख १८ हजार २३० कित्ता आईपीओ निष्कासन गरेको थियो ।
जसमध्ये ५० हजार ३६५ कित्ता कर्मचारीको लागि र १ लाख २५ हजार ९११ कित्ता सामुहिक लगानी कोषको लागि छुट्याइएको थियो । बाँकी रहेको २३ लाख ४१ हजार ९५४ कित्ता आईपीओ सर्वसाधारणले आवेदन दिएका हुन् । जसमा १६ लाख ३७ हजार ६५९ जनाको योग्य आवेदन परेको थियो ।
उक्त आइपीओ वैशाख ३१ गते नै बाँडफाँट भइसकेको छ । कम्पनीले निष्कासन गरेको आईपीओमा २ लाख ३४ हजार ११५ जनाले १० कित्ताका दरले पाएका थिए भने थप ४ जनाले थप १ १ कित्ता शेयर बढी पाएका थिए । यसबाहेक १४ लाख ३ हजार ४६४ जना आवेदकको हात भने खाली भएको थियो ।
