साउन २५, काठमाडौं । नेपाली बजारमा सोमवार पनि सुनको मूल्य घटेको छ । स्थानीय बजारमा अघिल्लो कारोबार दिन अर्थात् आइतवार रू. १ हजार ५०० ले घटेको सुनको भाउ सोमवार रू. १ हजारले घटेको हो ।
नेपाल सुनचाँदी व्यवसायी महासंघका अनुसार सोमवार छापावाला सुन प्रतितोला रू. ८९ हजारमा कारोबार भएको छ । आइतवार छापावाला सुनको मूल्य प्रतितोला रू. ९० हजारमा कारोबार भएको थियो । आइतवारको तुलनामा सोमवार छापावाला सुन प्रतितोला रू. १ हजारले घटेको हो ।
त्यसैगरी, तेजाबी सुन प्रतितोला रू. ८८ हजार ५५० मा कारोबार भएको छ । आइतवार तेजाबी सुन प्रतितोला रू. ८९ हजार ५५० मा कारोबार भएको थियो ।
यस्तै, सोमवार चाँदीको मूल्य पनि घटेको छ । आइतवार प्रतितोला रू. १ हजार २४० मा कारोबार भएको चाँदी सोमवार रू. १ हजार २१५ मा किनबेच भइरहेको छ । आइतवारको तुलनामा सोमवार चाँदी रू. २५ ले घटेको हो ।
