काठमाडौं । राष्ट्रिय जनमोर्चाले गुल्मीको कालीगण्डकी गाउँपालिका पुर्तिघाटमा राष्ट्रिय जनमोर्चाले शुक्रबार जुलुश प्रदर्शन गरेको छ ।
‘संसद पुनर्स्थापनाको स्वागत गरौं, राष्ट्रियता, गणतन्त्र, धर्मनिरिपक्षताको रक्षा गरौं, महंगी ,भ्रष्टाचार र कर वृद्धिको विरोध गरौं, संघीयताको खारेज गरौं’ भन्ने मूल नाराका साथ आमसभा सुरु हुनुअघि जुलुश प्रदर्शन गरिएको हो ।
‘अहिले हामी जुलुश प्रदर्शन गरिरहेका छौं । केहीबेरमा कार्यक्रमस्थलमा पुग्दैछौं’ राजमो केन्द्रीय सदस्य तारा थापा क्षेत्रीले कार्यक्रमस्थलबाट युगदर्शनलाई संक्षिप्त प्रतिक्रिया दिँदै भन्नुभयो ।
जुलुशमा राष्ट्रिय जनमोर्चा जिन्दावाद, ‘संघीयता चाहिँदैन– देश टुक्राउन पाईंदैन, नेकपा (मसाल) जिन्दावाद, प्रतिनिधि सभा पुनर्स्थापनाको स्वागत गरौं, महंगी, भ्रष्टाचार नियन्त्रण गर, नयाँ जनवादी क्रान्ति जिन्दावाद’ लगायतका नारा लगाइएको छ ।
पुर्तिघाटमा हुन लागेको आमसभालाई राष्ट्रिय जनमोर्चाका अध्यक्ष चित्रबहादुर केसीले सम्बोधन गर्दै हुनुहुन्छ । कार्यक्रममा रक्तिम सांस्कृतिक परिवारका कलाकारहरुले विविध जनवादी गित तथा नृत्यहरु प्रस्तुत गर्नेछन् ।
