एजेन्सी। स्पेनिस ला लिगा फुटबलमा बिहीबार राति भएको खेलमा हुयस्कालाई २–० गोल अन्तरले पराजित गर्दै एट्लेटिको मड्रिड शीर्ष स्थानमा उक्लिएको छ।घरेलु मैदानमा एट्लेटिकोलाई जित दिलाउन एन्जल कोर्रेया र यान्निक कारास्कोले एक/एक गोल गरे। जितसँगै ३२ खेलमा ७३ अंक जोडेको एट्लेटिकोले रियल मड्रिडलाई ३ अंकले पछि पार्दै लिगको शीर्ष स्थानमा उक्लिएको हो।लिगमा २७ अंक जोडेको हुयस्का १८ औं स्थानमा रहेको छ।
