वीरेन्द्रनगर नगरपालिका–११ का इमानसिंह बस्नेतले च्याउ खेती गर्न थालेको झन्डै १३ वर्ष पुग्यो । सुरुका वर्षहरूमा घरकै एक कोठामा सामान्य रूपमा च्याउ खेती थालेका उनले व्यावसायिक रूपमा खेती थालेको ६ वर्ष पुग्यो । सुरुमा २ सय डल्लाबाट च्याउ खेती गरेका उनको बारीमा अहिले ६ वटा टनेल छन् । उनले एकैपल्ट करिब ७ हजार डल्लासम्ममा च्याउ फलाइरहेका छन् । च्याउ खेतीबाट महिनामा उनको आम्दानी झन्डै डेढ लाख रुपैयाँसम्म हुन्छ ।
