काठमाडौं (अस) । सामसङ कम्पनीले नयाँ वर्षको अवसरमा ‘नयाँ वर्षको कोसेली, घर भित्र्याउँ यसपालि’ अफर सार्वजनिक गरेको छ । नयाँ वर्षको अवसरमा घरायसी सामान खरीद गर्दा कम्पनीले उक्त अफर अन्तर्गत छूट दिने भएको छ ।
नयाँ वर्ष २०७९ को अवसरमा टीभी, रेफ्रिजेरेटर र वाशिङ मेशिन खरीद गर्दा छूट दिइने कम्पनीले बताएको छ । उक्त अफर गत ११ चैतदेखि शुरू भइसकेको छ भने आगामी १ जेठसम्म सञ्चालनमा रहनेछ ।
‘योजना सञ्चालनमा रहुन्जेल अथवा स्टक रहुन्जेलसम्म ग्राहकले सामसङका टीभी तथा डिजिटल एप्लाएन्सेस खरीदमा छूट प्राप्त गर्न सक्नेछन्,’ कम्पनीले जारी गरेको विज्ञप्तिमा उल्लेख छ । सामसङको लाइफस्टाइल टीभी द फ्रेम, खरीद गर्दा प्रारम्भिक क्यासब्याक प्राप्त गर्न सक्ने कम्पनीको भनाइ छ ।
