काठमाडौं : जनता समाजवादी पार्टी (जसपा) नेपाल सरकारमा जाने या नजाने विषयको टुंगो राजनीतिक समितिको बैठकपछि मात्र लगाउने भएको छ।जसपाले सरकारमा सहभागी हुने या नहुने विषय पुस १८ र १९ गते बस्ने राजनीतिक समितिको बैठकमा तय गर्ने बताएको हो।त्यसवेलासम्म पार्टीको संसदीय दलको नेता चयनको प्रक्रिया पनि टुंगो लाग्ने पार्टीका प्रचार विभाग प्रमुख पूर्ण बस्नेतले बताए।जसपाले पुष्पकमल दाहाल ‘प्रचण्ड’ नेतृत्वको सरकारलाई समर्थन गरेको छ।
