बागलुङ बजार । बागलुङ, बरेङ गाउँपालिकाको बाटाकाचौरस्थित शारदा माविमा अखिल (छैठौं) प्रशिक्षण भेला सम्पन्न सम्पन्न भएको छ ।
आगामी चैत २० र २१ गते सम्पन्न हुन गइरहेको अखिल (छैठौं) बागलुङको चौबिसौँ जिल्ला सम्मेलनको पूर्वसन्ध्यामा सो कार्यक्रम सम्पन्न भएको प्राप्त समाचारमा जनाइएको छ ।
सोही सिलसिलामा २०७७ फागुन २६ गते बरेङ गाउँपालिका वडा नं. ३ बाटाकाचौरस्थित शारदा माविमा अखिल (छैठौं) को एकाइ प्रशिक्षण भेला सम्पन्न भएको हो ।
कार्यक्रममा अखिल (छैठौं) बागलुङका सल्लाहकार मनिष कँडेल र जिल्ला सदस्य गणेश सापकोटाले प्रशिक्षण दिनुभएको थियो ।
भेलाले अनिल आलेको अध्यक्षतामा ३९ सदस्यीय अखिल (छैठौं) शारदा मावि एकाइ समिति चयन गरेको छ, जसको उपाध्यक्षमा शोभा खत्री, सचिवमा मञ्जु क्षेत्री, सहसचिवमा सङ्गीत क्षेत्री र कोषाध्यक्षमा नबिन सार्की रहनुभएको छ भने समितिमा ३४ जना सदस्यहरू रहनुभएको छ ।
