काठमाडौं। नेपाल सुपर लिगमा आज धनगढी एफसीले ललितरपुर सिटीसँग प्रतिस्पर्धा गर्दैछ। त्रिपुरेश्वरस्थित दशरथ रंगशालामा ललितरपुलाई हराउँदै धनगढी लिगको शीर्ष स्थानमा उक्लन चाहन्छ। ललितपुर पहिलो जितको खोजीमा हुनेछ। पहिलो खेलमा विराटनगरसँग ३–० ले हारेको धनगढीले दोस्रोमा काठमाडौंलाई ३–० ले हरायो। ललितपुर पहिलो खेलमा काठमाडौंसँग १–० ले पराजित भएको थियो भने दोस्रो खेलमा चितवनसँग १–१ बराबरी खेलेको थियो।
