लमजुङ – लमजुङको सुन्दरबजार नगरपालिका ७ कुमालटारका विजय गुरुङले तीन रोपनी बढी जग्गामा मकै खेती गर्नुभएको छ । मजुवा फाँटमा मकै लगाउनुभएका उहाँले एकोहोरो मकै गोडिसक्नुभएको छ । पन्ध्र दिनअघि नै खेतमा दोहोरो मकै गोडिसक्नुपर्ने हो । तर रासायनिक मल (युरिया मल) को अभावमा उहाँले अहिलेसम्म दोहोरो मकै गोड्न पाउनुभएको छैन ।
मलको अभावमा समयमै मकै गोड्न नपाउँदा दुःख गरी लगाएको मकै उत्पादन घट्नेमा उहाँ चिन्तित हुनुहुन्छ । ‘विगतमा स्थानीय कृषि सहकारी, विभिन्न सङ्घ–संस्थाले मल बेच्थे, समयमै मल पाइन्...
