नेकपा एमालेका अध्यक्ष केपी शर्मा ओली १०औं राष्ट्रिय महाधिवेशनको सन्दर्भमा चितवनको सौराहस्थित पार्क सफारी रिसोर्टमा केन्द्रीय नेताहरूसँग छलफल गरिरहेका छन् ।
चितवनमा शुक्रवार हुने दशौं राष्ट्रिय महाधिवेशनको उद्घाटनअघि अध्यक्ष ओली छलफलमा जुटेका छन् ।
छलफलमा ओली पक्षका नेताहरू मात्रै सहभागी रहेका स्रोतले जानकारी दिएको छ ।
शुक्रवार दिउँसो १२ बजे महाधिवेशन उद्घाटन गर्ने कार्यक्रम छ ।
महाधिवेशन उद्घाटन सत्रमा सहभागी हुन देशभरबाट नेता कार्यकर्ता चितवनमा भेला भइरहेका छन् ।
