राप्रपा नेपालका अध्यक्ष कमल थापाले एमालेसँग स्थानीय निर्वाचनमा तालमेल हुनसक्ने बताएका छन् । राप्रपा नेपालले शुक्रबार राजधानीमा आयोजना गरेको पत्रकार सम्मेलनमा थापाले सूर्य चिह्नलाई साझा बनाउने विषयमा छलफल भइरहेको बताए । ‘हामी अहिलेको चुनावमा ठूलो महत्त्वाकांक्षा बोकेका छैनौं,’ थापाले भने, ‘तर चुनाव जित्न र जिताउनका लागि एमालेसँग तालमेल हुने सम्भावना प्रशस्त छ ।’
