नेपाल र जापानबीच २५ वर्षपछि हवाई सेवा सम्झौता (एएसए) पुनरावलोकन भएको छ । दुई मुलुकबीच सन् १९९३ मा हवाई सम्झौता भएको थियो । २५ वर्षदेखि हवाई सम्झौता पुनरावलोकन हुन नसकेको जापानसँग सोमबार नेपाली र जापानी प्रतिनिधिबीच टोकियोमा भएको १२ घन्टाको वार्तापछि सम्झौता भएको हो । नेपालको तर्फबाट संस्कृति, पर्यटन तथा नागरिक उड्डयन मन्त्रालयका सचिव कृष्ण देवकोटाले सम्झौतामा हस्ताक्षर गरेका छन् ।
