काठमाडौँ– नेकपा एमाले निकट विद्यार्थी संगठन अनेरास्ववियुले सरकारविरुद्ध प्रदर्शन गरेको छ। अनेरास्ववियुमा आवद्ध विद्यार्थीहरुले बिहीबार साँझ काठमाडौँको त्रिचन्द्र क्याम्पस अगाडि सरकारविरुद्ध प्रदर्शन गरेका हुन्। उनीहरुले प्रधानमन्त्री शेरबहादुर देउवाको पुतलासमेत जलाएका थिए। त्यसक्रममा प्रहरी र प्रदर्शनकारीबीच धकेलाधकेल भएको थियो। उनीहरुले पेट्रोलियम पदार्थमा भएको मूल्यवृद्धि फिर्ता लिन, एमसीसी खारेज गर्न माग गरेका छन्।
