महासचिव नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा) निकट विद्यार्थीले बझाङको बित्थडचिर गाउँपालिका–८ का वडाध्यक्ष जयबहादुर मल्लमाथि कालोमोसो दलेका छन् ।
‘भ्रष्टाचारीलाई जनकारवाही’ विप्लव निकट विद्यार्थीले वडाध्यक्ष मल्ल र वडा सचिव दत्तराम अवस्थीलाई कालोमोसो दलेका हुन् ।
विप्लवका विद्यार्थीले वडाध्यक्ष र सचिवले लाखौं भ्रष्टाचार गरेको, अनियमितता गरेको र कमिसन खाने गरेको आरोप लगाएका छन् ।
आइतवार दिउँसो घटना भएको जिल्ला प्रहरी कार्यालय बझाङले जनाएको छ ।
