सोमबारबाट सवारी चालक अनुमतिपत्र (ड्राइभिङ लाइसेन्स) को अनलाइन आवेदन खुला भएको छ । यातायात व्यवस्था विभागले बायोमेट्रिक डेटका आधारमा आइतबार, सोमबार, मंगलबार र बुधबार कोटा उपलब्ध हुने जनाएको छ ।यही कोटाभित्र आवेदन दिनुपर्नेछ । यसअघि कोटा हटाउने भनिएपनि देशभरका यातायात कार्यालयको क्षमता अनुसार कोटा निर्धारण नगरी आवेदन लिन सकिने नदेखिएपछि कोटा तोकिएको विभागका प्रवक्ता लोकनाथ भुसाल बताउँछन् ।देशभरका २१ कार्यालयको क्षमता अनुसारको कोटा अन्तर्गत दैनिक करिब ५ हजार आवेदन संकलन हुने विभागले जनाएको छ ।अनलाइन आवेदन दिने तरिकाअनलाइन आवेदन दिन सुरुमा यातायात व्यवस्था विभागको वेबसाइट खोल्नुपर्नेछ । विभागको वेवसाइट खुलेपछि भित्र दायाँतर्फ ‘महत्वपूर्ण लिङ्कहरू’ भन्ने अप्सन छ । त्यही अप्सनभित्र रहेको ‘अनलाइन सवारी चालक अनुमतिपत्र प्रणाली’ भन्ने लिंकमा क्लिक गर्नुपर्छ । त्यहाँ क्लिक गरेपछि अर्को नयाँ विन्डो खुल्नेछ । त्यसको माथि लेखिएको ‘Online Driving License Registration’ मा क्लिक गर्नुपर्नेछ । त्यसमा क्लिक गरेर फेरि सिटिजनशीप भनेको ठाउँमा नेपाल छानेर New License मा अप्लाई गरी Prosid मा क्लिक गर्नुपर्नेछ ।प्रोसिडमा क्लिक गरेपछि फाराम खुल्छ । फाराममा मागे जति विषय भरी (category र mobile number अनिवार्य भर्नैपर्छ, एकपटक लेखेपछि मिलाउन मिल्दैन) ‘submmit’ मा क्लिक गर्नुपर्छ ।submmit गरेपछि तोकिएको कोटाभित्र फाराम परेको खण्डमा उक्त फाराम विभागको सिस्टमले एक्सेप्ट गर्छ । तर, कोटाभित्र परेन भने आजको लागि कोटा पुरा भएको जानकारी विभागले दिनेछ र फाराम एक्सेप्ट गर्नेछैन ।यदि फाराम एक्सेप्ट भयो भने त्यहाँ भरिएको पेपर प्रिन्ट गरेर आफूसँग एक कपी राख्नुपर्छ । उक्त पेपरमा बायोमेट्रिकको पालो कहिले आउँछ भनेर लेखिएको हुन्छ । त्यसपछि तेकिएको समयमा बायोमेट्रिक आवेदक फाराम, नागरिकतासहित तोकिएको यातायात कार्यालयमा जानुपर्ने हुन्छ ।बायोमेट्रिकमा फोटो खिच्ने, औंठा छाप लिने काम हुन्छ । त्यही दिन लिखित परीक्षाको तालिका लिन सकिन्छ ।