काठमाडौँ : विश्वभर विभिन्न कार्यक्रम गरी आज विश्व शौचालय दिवस मनाइँदै छ। नेपालमा पनि विभिन्न कार्यक्रम आयोजना गरी विश्व शौचालय दिवस मनाइँदै छ।
यो वर्ष ‘परिवर्तनको गति बढाउँदै’ भन्ने नारासहित विश्व शौचालय दिवस २०२३ मनाउन लागिएको छ। हरेक वर्ष १९ नोभेम्बरमा विश्वभर विभिन्न कार्यक्रमका साथ शौचालय दिवस मनाउने गरिएको छ। सन् २०१३ देखि यो दिवस मनाउन थालिएको हो। बाक्लो मानवबस्ती भएका ठाउँमा शौचालयको निर्माण र प्रयोग गर्ने चुनौती बढ्दो छ।
मानव समुदायलाई मानवजन्य दिसापिसाबबाट उत्पन्न हुनसक्ने जीवाणुले ल्याउने रोगव्या...
