काठमाडौं । हालसम्म ३१ दशमलव ९० प्रतिशत भौतिक प्रगति प्राप्त भएको काठमाडौं–तराई दु्रतमार्गको शुरू बिन्दु खोकनाबाहेक सबै प्याकेज ठेक्का प्रक्रियामा गएका छन् । नेपाली सेनाको व्यवस्थापनमा निर्माणाधीन दु्रतमार्गका १३ ओटा प्याकेजमध्ये सबैजसो ठेक्का प्रक्रियामा प्रवेश गरेका हुन् ।
प्याकेज नम्बर ८(क), ९(क) र (ख)को बोलपत्रमा उच्च अदालत पाटनको निर्णयपछि थप प्रक्रिया अघि बढाउन बाटो खुलेको छ । योसँगै प्याकेज नं. ११ बाहेकका प्याकेज ठेक्का प्रक्रियामा गएका हुन् । प्याकेज नम्बर ८(क), ९ (क) र (ख)को बोलपत्रको प्राविधिक मूल्यांकनको विषयलाई लिएर उच्च अदालत पाटनमा मुद्दा परेको थियो । रिट निवेदन परेपछि अन्तिम टुंगो नलाग्दासम्म प्रक्रिया रोक्न गत पुस २४ गते उच्च अदालत पाटनले अन्तरिम आदेश जारी गरेको थियो ।
अहिले अदालतले रिट खारेज गरेर प्रक्रिया अघि बढाउन आदेश दिएपछि नेपाली सेनाले यी प्याकेजको आर्थिक प्रस्ताव खोलेर थप प्रक्रिया अघि बढाएको छ । १३ प्याकेजमध्ये १, २, ३, ४, ५, ६, ७ र १० खरीद (ठेक्का) सम्झौता भई कार्यान्वयनमा छन् । बाँकी प्याकेजमध्ये ८(ख) को बोलपत्रको प्राविधिक तथा आर्थिक मूल्यांकन सम्पन्न भई स्वीकृतिका लागि पत्र जारी भइसकेको छ ।
लामो समयदेखि अल्झिरहेको खोकना बिन्दुमा भने अझै खरीद प्रक्रिया शुरू हुन सकेको छैन । शुरू बिन्दु खोकना बनाउने कि सार्ने भन्नेमा आयोजना र स्थानीयबीच मतभेद छ । प्याकेज नं. ११ अन्तर्गत पर्ने दु्रतमार्गको खोकना शुरू बिन्दुमा अहिले सवारी आवागमन व्यवस्थापनको विषय अध्ययनको क्रममा रहेको सेनाले जानकारी दिएको छ ।
२०८३ चैतसम्ममा दु्रतमार्ग सम्पन्न गर्ने गरी नेपाली सेनाले म्याद थप पाएको छ । प्रगतिमा भने सुधार देखिएको छैन । दु्रतमार्गका सुरुङ निर्माण ७३ प्रतिशत पुगेको छ । सेनाले उपलब्ध गराएको प्रगति प्रतिवेदनअनुसार फागुनसम्ममा निर्माणाधीन दुईओटा सुरुङमार्गको कुल ६ दशमलव ४१५ किलोमीटरमध्ये हालसम्म ४ दशमलव ६५३ किलोमीटर खनिसकिएको छ । हाल महादेवटार, धेद्रे र लेनडाँडा सुरुङ निर्माणाधीन छन् ।
पछिल्लो परिमार्जित विस्तृत परियोजना प्रतिवेदन (डीपीआर)अनुसार थप भएका चन्द्राम भीर सुरुङ डिजाइनको चरणमा छ । देवीचौर र सिसौटार सुरुङ निर्माणको खरीद प्रक्रिया अन्तिम चरणमा छ । ८७ स्थानमा बन्ने पुलमध्ये ६७ स्थानका लागि खरीद सम्झौता सम्पन्न भएको सेनाले जानकारी दिएको छ । ५ ओटा पुल बनिसकेका छन् ।
प्याकेज नं. ५ अन्तर्गतको निजगढ इन्टरचेन्जको डिजाइन परिमार्जन गर्न प्रस्ताव परेको छ । नेपाल नागरिक उड्डयन प्राधिकरणले दु्रतमार्गको उक्त खण्डमा पर्ने इन्टरचेन्जको डिजाइन परिमार्जन गर्न प्रस्ताव गरेको हो । प्रस्तावअनुसार उक्त इन्टरचेन्ज निर्माण गर्दा लागत बढ्ने सेनाको भनाइ छ । साथै जग्गा अधिग्रहण, रूख कटान पनि बढ्नुका साथै समयसीमामा समेत प्रभाव पर्ने सेनाले औंल्याएको छ । नेपाली सेनाले यो विषयमा सरकारबाटै निर्णय हुनुपर्नेमा जोड दिँदै आएको छ ।
काठमाडौं। बहुप्रतीक्षित काठमाडौं–तराई दु्रतमार्ग आयोजना (फास्ट ट्र्याक)को लम्बाइ, लागत र अधिग्रहण गर्नुपर्ने जग्गा संशोधन भएको छ । २०७६ भदौ १ गते स्वीकृत भएको आयोजनाको विस्तृत आयोजना प्रतिवेदन (डीपीआर) परिमार्जन भएसँगै दु्रतमार्गको साविकको लागत २ अर्ब २ करोड रुपैयाँले घट्ने भएको छ । सडकको कुल लम्बाइ १ दशमलव ५५ किलोमीटरले घट्नेछ ।
सरकारले ४ वर्षमा सम्पन्न गर्ने गरी यो आयोजना नेपाली सेनालाई २०७४ वैशाख २१ गते हस्तान्तरण गरेपछि पटकपटक म्याद थपिदिएको छ । डीपीआर परिमार्जन हुँदा दूरी र लगानी घटे पनि सम्पन्न हुने समय भने सरकारले थप गरेर २०८३ चैतसम्म पुर्याइदिएको छ । परिमार्जित डीपीआरअनुसार दु्रतमार्गको कुल लम्बाइ ७० दशमलव ९७ किलोमीटर हुनेछ । यसअघिको लम्बाइ ७२ दशमलव ५ किलोमीटर थियो ।
सरकारले परिमार्जित डीपीआर गत साउन ३० गतेको मन्त्रिपरिषद्बाट स्वीकृत गरेको छ । उक्त डीपीआरअनुसार सुरुङमार्गको संख्या थपिनेछ । थपिएका सहित अब दु्रतमार्गमा ६ ओटा सुरुङमार्ग हुनेछन् । यसअघिका तीनओटा सुरुङमार्ग महादेवडाँडा, धेद्रे र लेनडाँडामा निर्माण शुरू भइसकेको छ ।
परिमार्जित डीपीआरले थपेका देवीचौर, सिसौटार र चन्द्राम भीर सुरुङमार्ग निर्माणमा जान बाँकी छ । डीपीआर पुनरवलोकन गरेसँगै ३ ओटा सुरुङमार्ग र २ ओटा पुल थप भएकोले दूरी घटेको सेनाका प्रवक्ता कृष्णप्रसाद भण्डारीले जानकारी दिए । ‘पुल र सुरुङमार्ग बढ्दा बक्स, कल्भर्टहरू निर्माण गर्नु परेन,’ उनले भने, ‘यसले स्वत: दु्रतमार्गको दूरी घटेको हो । र कुल लागत पनि घटेको छ ।’
यसअघिको डीपीआरअनुसार दु्रतमार्गको कुल लागत २ खर्ब १३ अर्ब ९५ करोड रुपैयाँ थियो । परिमार्जित डीपीआरअनुसार दु्रतमार्गको लागत २ खर्ब ११ अर्ब ९३ करोड रुपैयाँमा झरेको छ । थपिएका सुरुङमार्गसहित अब यो आयोजनामा सुरुङमार्गको कुल लम्बाइ १० दशमलव शून्य ५ किलोमीटर हुनेछ । अधिग्रहण गर्नुपर्ने जग्गा ३ सय ३५ रोपनीले घटेको छ । पुलको लम्बाइ १२ दशमलव ८८ किलोमीटर र कल्भर्टको संख्या ८८ हुने बताइएको छ ।
नेपाली सेनाले यो आयोजनामा आर्थिक वर्ष (आव) २०७९/८० सम्ममा ४९ अर्ब २३ करोड रुपैयाँ खर्च भएको जानकारी दिएको छ । आइतवार वार्षिक प्रगति विवरण सार्वजनिक गर्दै सेनाले चालू आव २०८०/८१ का लागि २२ अर्ब ५१ करोड रुपैयाँ पाएको जानकारी दिएको छ । सेनाका अनुसार आयोजनाको हालसम्मको भौतिक प्रगति २६ दशमलव १४ प्रतिशत छ ।
सेनाले अहिले थपिएको म्यादअनुसार निर्धारित समयमै काम सम्पन्न गर्न कार्ययोजना बनाएको तर समस्या थपिएको बताएको छ । आयोजनाका विषयमा जानकारी दिँदै आयोजना प्रमुख प्राविधिक उपरथी कमलविक्रम शाहले खोकना–बुङमती खण्डको जग्गा अधिग्रहणमा समस्या आएको बताए । उक्त क्षेत्रमा पर्ने प्रभावितमध्येको २ सय २५ रोपनीमा मुआब्जा बुझ्नै बाँकी रहेको र १ सय ६५ रोपनी जग्गाको मूल्यांकन हुन बाँकी रहेको उनले बताए ।
आयोजना निर्माणका क्रममै समय–समयमा पूरक वातावरणीय प्रभाव मूल्यांकन (एसईएआईए) गर्नुपर्ने हुँदा त्यसमा सरकारले सघाउनुपर्नेमा शाहले जोड दिए । एसईआईए स्वीकृति प्रक्रियामा लामो समय लाग्ने हुँदा निर्माण अवधि प्रभावित हुने समस्या पनि उनले औंल्याए ।
परिमार्जित डीपीआरअनुसार दु्रतमार्ग
कुल लम्बाइ : ७०.९७ किलोमीटर
चौडाइ : पहाडी भेगमा २५ मिटर र तराईमा २७ मीटर
सुरुङमार्गको लम्बाइ : १०.०५५ किलोमीटर
पुलको संख्या : ८९ (कुल १२ दशमलव ८८५ किमी)
सुरुङमार्ग संख्या : ६
थपिएका सुरुङमार्ग
देवीचौर : १ किलोमीटर
सिसौटार : ०.३९ किलोमीटर
चन्द्राम भीर : २.२५ किलोमिटर
यसअघिका सुरुङमार्ग
महादेवटारडाँडा : ३.३५५ किलोमीटर
धेद्रे : १.६३० किलोमीटर
लेनडाँडा : १.४३० किलोमीटर
काठमाडौं, असोज १। आर्थिक वर्ष २०८०/८१ सम्ममा सम्पन्न हुने भनिएको बहुप्रतीक्षित काठमाडौं–तराई दु्रतमार्ग (फास्टट्र्याक) आयोजनाका अधिकांश ठेक्का व्यवस्थापन हुन सकेका छैनन् । उक्त आयोजनाका ११ प्याकेजमध्ये हालसम्म जम्मा दुईओटा मात्रै ठेक्का सम्झौता भई अध्ययन तथा डिजाइनको काम अघि बढाइएको छ, भने बाँकी अझै प्रक्रियामै रहेका छन् । कुल ७२ दशमलव ५ किलोमिटर (किमी) को दु्रतमार्गलाई […]
काठमाडौं । संघीय संसद अन्र्तगतको प्रतिनिधिसभाको विकास तथा प्रविधि समितिले काठमाडौं–तराई दु्रतमार्ग निर्माणका क्रममा भएको भनिएको अनियमितताका सम्बन्धमा अध्ययन गर्न उपसमिति गठन गरेको छ ।
समितिको सोमबार सिंहदरबारमा बसेको बैठकले दु्रतमार्ग निर्माणको दोश्रो चरणको ठेक्का प्रक्रियामा भएको भनिएको अनियमिता बारेमा अध्ययन गर्न सांसद गणेश पहाडीको संयोजकत्वमा उपसमिति गठन गरेको हो । उपसमितिमा जिपछिरिङ लामा, इन्दु शर्मा, अनिल झा र केदार सिग्देल सदस्य रहनुभएको छ ।
उपसमितिलाई दोश्रो चरणको ठेक्का प्रक्रियामा ठेकेदार छनौट, बुंगमति खोकना क्षेत्रमा देखिएको विवाद, निर्माणका क्रममा भएका कमीकमजोरी र समयमै निर्माण सम्पन्न हुने नहुनेबारे पनि सुक्ष्म ढंगले अध्ययन गर्न भनिएको छ ।
काठमाडौं–तराई दु्रतमार्ग निर्माणको जिम्मा लिएको नेपाली सेनाले निर्माण प्रक्रियाको दोश्रो चरणमा ठेकेदार कम्पनी छनौट गर्दा अनियमितता भएको उजुरी पछि समितिले त्यसतर्फ चासो देखाएको हो ।
छलफलका क्रममा नेपाली सेनाका बलाधिकृत रथी प्रभुराज शर्माले सेनाले निर्माणका सबै प्रक्रिया पारदर्शी ढंगले गरिरहेको दाबी गर्नुभएको थियो । उहाँले २ वर्षपछि पनि पुरानै दर रेटमा निर्माण सम्झौता भएको र ज्वईन्टभेन्चरमा नेपाली कम्पनीहरु पनि सहभागी भएको स्पष्ट पार्नुभयो ।
उहाँले भन्नुभयो, ‘स्वदेशीहरु सबैको ज्वइन्टभेन्चरमा आउनुभएको छ । त्यत्ति ठूलो काम गर्न उहाँहरुसंग पैसा नभएको हुनसक्छ । बैंक ग्यारेण्टी नभएको हुनसक्छ । तर अहिले विदेशी कम्पनीहरुसंग हाम्रो नेपाली दाजुभाई ठेकेदार सावहरुले ज्वइन्टभेन्चरमा आउनुभएको छ । सबै भन्दा ठूलो संख्यात्मक रुपमा उहाँहरुसंग मिसिएर आउनुभएको छ । हामीसंग यसको प्रमाण पनि छ ।’
उहाँले नेपाली सेनालाई प्रभाव पार्न खोज्ने समुहरु धेरै भएको र नसकेपछि उनीहरुले अरु ठाउँमा प्रयास गरेको बताउनुभयो । उहाँले भन्नुभयो, ‘हाम्रो इन्फ्लुयन्सी गु्रपहरु धेरै हुन्छ । हजुरहरुलाई पनि इन्फ्लुयन्समा पार्न सक्नुभएन तर अरु ठाउँमा पार्न सक्नुहुन्छ । नेपालमा नभएको भन्ने केही पनि छैन । मर्कै परेको छ भने उजुरी हाल्ने ठाउँ छ । पिपिएमओ को पिपिआरसिमा उजुरी दिनुपथ्र्यो । अड्काउन सजिलो छ । फुकाउन गाहे छ ।’
छलफलका क्रममा सांसदहरुले समयभित्र विकास निर्माणका आयोजना सम्पन्न हुन नसकेका विषयमा गम्भीर विश्लेषण गर्नुपर्ने धारणा राखेका थिए । उनीहरुले दु्रतमार्गको ...
भौतिक पूर्वाधार तथा यातायातमन्त्री वीरबहादुर बलायरले काठमाडौं–तराई दु्रतमार्ग (फास्ट ट्रयाक) निर्माणको कार्यप्रगति सन्तोषजनक रहेको बताएका छन् । बाराको निजगढमा जोडिने सो दु्रतमार्गको कामको स्थलगत
काठमाडौं । छिमेकी भारत र चीनलाई समेत जोड्ने लक्ष्यसहित अघि बढेको काठमाडौं–तराई दु्रतमार्ग (फास्ट ट्रयाक) निर्माणको कामलाई दोब्बर गतिमा अघि बढाउन नेपाली सेनाले १०...
