विराटनगर। सवारी चाप बढेपछि पैदल यात्रुको सुविधाका लागि विराटनगर महानगरपालिकाले महानगरभित्रका दश स्थानमा ट्राफिक लाइट जडानको तयारी गरेको छ । सवारी चाप र मानिसको ओहोरदोहोर बढी हुने स्थानमा दुर्घटना न्यूनीकरणका लागि ट्राफिक लाइट जडान गर्न लागिएको हो । यसका लागि महानगरले ट्राफिक प्रहरीसँगको समन्वयमा स्थान पहिचान गर्दै छ ।
बढी भीड हुने मुख्य बजार क्षेत्रका तीनपैनी, अस्पताल चोक, जलजला चोक, घोघापुल चोक र ट्राफिक चोकमा ट्राफिक लाइट जडान गर्ने प्रारम्भिक योजना रहेको जिल्ला ट्राफिक प्रहरी कार्यालय, मोरङका प्रहरी निरीक्षक सुमन न्यौपानेले जानकारी दिए । यसैगरी कोशी लोकमार्ग अन्तर्गत विराटनगर खण्डमा पर्ने कञ्चनबारी, बरगाछी, शनिमन्दिर, जनआन्दोलन चोक र रोडशेष चोकमा पनि ट्राफिक लाइट राख्न जरुरी रहेकाले सडक विभागसँग प्रस्ताव गर्ने तयारी भइरहेको महानगरले बताएको छ ।
सवारी चाप र मानिसको ओहोरदोहोर बढी हुने स्थानमा दुर्घटना न्यूनीकरणका लागि ट्राफिक लाइट जडान गर्न लागिएको हो । यसका लागि महानगरले ट्राफिक प्रहरीसँगको समन्वयमा स्थान पहिचान गर्दै छ ।
ट्राफिक लाइट जडानपछि ट्राफिक नियम पालना बढ्ने र जथाभावी पार्किङ गर्ने प्रवृत्ति हट्ने न्यौपानेले बताए । विराटनगरका कुनै पनि चोकमा ट्राफिक लाइट नभएकाले नमूनाको रूपमा कार्यान्वयन गर्दै अगाडि बढ्ने तयारी भइरहेको उनले बताएका छन् ।
विराटनगर महानगरले एक वर्षअघि नै केही चोकमा ट्राफिक लाइट जडान गर्ने योजना अगाडि बढाएको थियो । यद्यपि ठेकेदार कम्पनीले विशेष कारणले काम गर्न नसक्दा ढिलाइ भएको मेयर नागेश कोइरालाले बताए । ४५ दिनभित्र पहिलो चरणमा जलजला चोकमा ट्राफिक लाइट जडान गरिसक्ने र क्रमश: अन्य चोकमा पनि यो व्यवस्था लागू गर्दै जाने जानकारी उनले दिए ।
कोशी लोकमार्ग खण्ड महानगर मातहतमा नरहेकाले सडक विभागसँग समन्वय गरेर मात्र निर्णय लिइने उनको भनाइ छ । महानगरले विभागसँग प्रस्ताव गरेको भए पनि कुनै जवाफ नआएकाले अहिले त्यहाँ लाइट जडान नहुने उनले बताए ।
२४ जेठ, पोखरा। पोखरा महानगरपालिकाको मुख्य बजार क्षेत्रमा फेरि सडक पार्किङ सुरु भएको छ । महानगरले गत माघ महिनाबाटै पोखराका मुख्य बजार क्षेत्रका सडकमा पार्किङ निषेधको अभियान चलाएको थियो । जिल्ला ट्राफिक प्रहरी कार्यालयको सहयोगमा महानगरले विभिन्न स्थान तोकेर नि:शुल्क तथा सशुल्क पार्किङ क्षेत्र तोकेको थियो । हाल उक्त अभियानलाई व्यवस्थित गर्न नसक्दा फेरि सडकमै […]
विराटनगर । विराटनगर महानगरपालिकाले लागू गरेको पार्किङ निषेधित क्षेत्र (नो पार्किङ)को कार्यान्वयन थप प्रभावकारी बनाइने भएको छ । महानगरपालिकाको सोमवारको बैठकले स्थानीय प्रशासन, नेपाल प्रहरी, ट्राफिक प्रहरीसहित सरोकारवाला निकायसँगको समन्वयमा यसअघि कार्यान्वयनमा ल्याइएको पार्किङ निषेधित क्षेत्रलाई प्रभावकारी बनाउने निर्णय गरेको हो । बैठकले पार्किङलाई व्यवस्थित गर्दै संयुक्त बजार अनुगमन सूक्ष्म रूपमा अघि बढाउने, राजस्व अभिवृद्धि अभियानलाई निरन्तरता दिने लगायत निर्णय गरेको छ । महानगरपालिकालाई व्यवस्थित बनाउने दायित्व सबैको भएकाले उक्त अभियानमा स्थानीय प्रशासनले सघाउने मोरङका प्रमुख जिल्ला अधिकारी तीर्थराज भट्टराईले बताए ।
आइतवार बसेको महानगरको कार्यपालिका बैठकले समेत यसअघि महानगरले कार्यान्वयनमा ल्याएको ‘नो पार्किङ’लाई प्रभावकारी रूपमा कार्यान्वयन गर्ने निर्णय गरेको थियो । व्यापार सुस्ताएको भन्दै केही दिनयता व्यापारीहरूले आफ्ना सवारीसाधन सडकमा राखेर ‘नो पार्किङ’को अवज्ञा गर्दै आएका छन् । यद्यपि महानगर उक्त निर्णयबाट पछि नहट्ने मेयर नागेश कोइरालाले बताए । ‘हाम्रो उद्देश्य विराटनगरलाई सफा, सुन्दर र व्यवस्थित बनाउने हो,’ उनले भने । मेयर कोइरालाले वैकल्पिक पार्किङ समेत व्यवस्थित बनाउँदै लगिने बताए ।
सवारीसाधनको सुरक्षाका लागि वैकल्पिक पार्किङमा सीसीटीभी क्यामेरा र बत्ती तत्काल जडान गरिने उनले उल्लेख गरे । उपमेयर शिल्पा निराला कार्कीले महानगरलाई व्यवस्थित बनाउने यसअघिका निर्णय पूर्ण कार्यान्वयन गरिने बताइन् । महानगरका प्रमुख प्रशासकीय अधिकृत विष्णुप्रसाद कोइरालाले पछिल्लो समय विराटनगर व्यवस्थित हुँदै गएको बताए । यसअघि ट्राफिक प्रहरी र नगर प्रहरीले गर्दै आएको ट्राफिक व्यवस्थापनमा अब नेपाल प्रहरीले समेत सघाउने मोरङका प्रहरी प्रमुख एसपी दीपक पोखरेलले बताए । कोशी प्रदेशका ट्राफिक प्रहरी प्रमुख श्यामकुमार महतोले ट्राफिक प्रहरीलाई स्रोत साधनयुक्त बनाउनुपर्नेमा जोड दिए ।
विराटनगर । विराटनगर महानगरपालिकाका प्रमुख नागेश कोइरालाले पार्किङ व्यवस्थापनको निर्णयबाट महानगर पछि नहट्ने बताएका छन् । व्यापारीको ध्यानाकर्षणपत्र बुझ्दै उनले विराटनगरलाई सफा, सुन्दर, व्यवस्थित र विकसित बनाउने अभियानबाट महानगर पछि नहट्ने प्रष्ट पारेका हुन् ।
महानगरले बजार क्षेत्रका विभिन्न सडकलाई विकल्पसहित पार्किङ निषेधित क्षेत्र घोषणा गरेको छ । महानगरले शनिमन्दिर–अस्पतालचोक, महावीर रोड, गुद्री रोड, शनिमन्दिर रोड र जलजलाचोक–ट्राफिकचोकलाई पार्किङ निषेधित क्षेत्र घोषणा गरी कार्यान्वयनमा ल्याइसकेको छ ।
विकल्पसहित पार्किङ निषेध गरेकाले निर्णयबाट पछि नहट्ने प्रमुख कोइरालाको भनाइ थियो । ‘हरेक पार्किङस्थलबाट दुईदेखि तीन मिनेटमा जुनसुकै पसलमा पुग्न सकिने अवस्था छ,’ कोइरालाले भने ।
महानगरले बैंक, अस्पतालसहित ठूला कर्पोरेट हाउसले निर्माण गरेका अण्डरग्राउण्ड पार्किङ सञ्चालनका लागि पत्राचार गरिसकेको छ । सडकको अव्यवस्थित पार्किङले एम्बुलेन्स, दमकल सहज रूपमा आवतजावत गर्न नपाउँदा बिरामीको ज्यानै जाने अवस्था रहेकोे कोइरालाले बताए । विराटनगर महानगरका उपप्रमुख शिल्पा निराला कार्कीले सडकमा पार्किङ निषेध गरिएकोप्रति यात्रु र सर्वसाधारणले खुशी व्यक्त गरेको दाबी गरिन् । ‘विराटनगर हामी सबैको हो, हामी सबै मिलेर लाग्यौं भने मात्र विराटनगरलाई व्यवस्थित र सुन्दर बनाउन सक्छौं,’ उनले भनिन् ।
वडा नं ९ का अध्यक्ष विश्वनाथ भगतले बजारलाई व्यवस्थित बनाउन सहयोग गर्न व्यापारीलाई आग्रह गरे । महानगर प्रहरीका निरीक्षक राजन पौडेल र ट्राफिक प्रहरी कार्यालय मोरङका वरिष्ठ प्रहरी नायब निरीक्षक यज्ञराज शर्माले महानगरका अन्य सडकलाई पनि पार्किङ निषेध गर्ने तयारी भइरहेको जानकारी दिए । रासस
विराटनगर । पसलको सटरभन्दा बाहिर सामान राखे नियन्त्रणमा लिन विराटनगर महानगरपालिकाका मेयर नागेश कोइरालाले महानगर प्रहरीलाई निर्देशन दिएका छन् । विराटनगरलाई सफा, सुन्दर र व्यवस्थित बनाउने अभियानमा लागेको महानगरपालिकाले सरसफाइ, फुटपाथ व्यापार नियन्त्रण र पार्किङ व्यवस्थापनको काम तीव्र बनाएको छ ।
महानगरका मेयर कोइराला नेतृत्वको टोलीले सोमवार पार्किङ र फुटपाथको अवस्थाका बारेमा स्थलगत अनुगमन गरेको छ । अनुगमनका क्रममा पसलको सटरभन्दा बाहिर पनि सामान राखेको पाइएको थियो । सटरभन्दा बाहिर सामान राखेको पाइए नियन्त्रणमा लिन महानगर प्रहरीलाई मेयर कोइरालाले निर्देशन दिएका छन् ।
‘महानगरले पटक पटक सार्वजनिक सूचना प्रकाशन र माइकिङ गरेर सटरभन्दा बाहिर सामान नराख्न आग्रह गरिसकेको छ,’ उनले भने, ‘सटर बाहिर सामान राखे अब महानगर प्रहरीले नियन्त्रणमा लिन्छ । त्यसमा गुनासो गर्न पाइँदैन ।’ विराटनगरलाई व्यवस्थित बनाउने दायित्व महानगरवासी सबैको भएकाले सहयोग गर्न उनले आग्रह समेत गरे । अनुगमनमा मेयर कोइरालाका साथै उपमेयर शिल्पा निराला कार्की, ११ नं वडाका अध्यक्षसमेत रहेका यातायात व्यवस्थापन समितिका संयोजक तीर्थेन्द्र न्यौपाने, राजस्व महाशाखा प्रमुख सरोज गौतम, महानगर प्रहरीका प्रमुख राजन पौडेल, जिल्ला ट्राफिक प्रहरी कार्यालय मोरङका प्रमुख राजकुमार कार्कीलगायतको सहभागिता थियो ।
महानगरले पहिलो चरणमा जलजलाचोकदेखि कोशी अस्पताल चोकसम्मलाई पार्किङ निषेधित क्षेत्र घोषणा गरिसकेको छ । सो क्षेत्रको पार्किङ व्यवस्थापन जलजला हल अगाडि गरिएको छ । टोलीले महावीर रोड उत्तर र पुरानो गुद्रीमा निर्माण भइरहेको पार्किङस्थलको पनि निरीक्षण गरेको छ । त्यसैगरी महानगरले हिमालय रोडमा रहेको शपिङ कम्प्लेक्सको अण्डरग्राउण्ड पार्किङ पनि सञ्चालनमा ल्याउने भएको छ ।
