जिल्लाको सीतगंगा नगरपालिका–१४ पावरा र विक्रमसोता जोडने खोलामा पुल बन्ने भएपछि स्थानीयमा खुसी छाएको छ । वर्षौंदेखि पुल बनाइदिन्छौं भोट दिनुस् भन्ने चुनावी नारा लगाउँदै आएका जनप्रतिनिधिले अहिले पुल बनाउन लागेका छन् ।
विद्यालय खुल्ने समयमा खोला उर्लेर आएसँगै पुल बिना खोला तर्न सकिँदैन । विद्यालय पुग्न जम्मा १०÷१५ मिनेटको बाटो । खोलामा पुल नहुँदा घण्टौंभन्दा बढी समय विद्यार्थीलाई लाग्दथ्यो । विद्यार्थीलाई मात्र होइन स्थानीयलाई पनि पावरा र विक्रमसोता आवातजावात गर्न निकै समस्या छ ।
