काठमाडौं। इटालियन क्लब इन्टर मिलान र एट्लेटिको मड्रिडले पनि प्रस्तावित युरोपियन सुपर लिगबाट नाम फिर्ता लिएका छन्। यसअघि इङ्ल्यान्डका ६ क्लब म्यानचेस्टर युनाइटेड, लिभरपुल, आर्सनल, म्यानचेस्टर सिटी, चेल्सी र टोटेनह्यामले प्रतियोगिताबाट नाम फिर्ता लिएका थिए। युरोपाका १२ ठूला क्लबले प्रस्तावित सुपर लिग खेल्न सहमति जनाएका थिए तर क्लबहरूले नाम फिर्ता लिन थालेपछि प्रतियोगिता अन्योलमा परेको छ।