नेपाली सेना त्रिभुवन आर्मी क्लबका एथलेटिक्स खेलाडीहरूले ‘खुला हाफ म्याराथन प्रतियोगिता २०७८’ मा दुई स्वर्णसहित चार पदक जितेका छन् ।
सिन्धुपाल्चोकको चौतारा साँगाचोकगढी नगरपालिका–५ मा आयोजित प्रतियोगितामा खेलाडीहरूले २ स्वर्ण, १ रजत र १ कांस्य जितेका हुन् ।
प्रतियोगितामा महिलातर्फ नेपाली सेनाकी विश्वरुपा बुढा र पुरुषतर्फ नेपाली सेनाका गजेन्द्र राई प्रथम भएका छन् ।
त्यसै गरी श्रीकाश राई र नवराज साउद पुरुषतर्फ क्रमशः द्वितीय र तृतीय भएको सेनाले जनाएको छ ।
